गुण्डागर्दीका विभिन्न घटनामा संग्लन ‘बाघे’ पक्राउ

जनकराज सापकोटा

काठमाडौँ — शृंखलाबद्ध रुपमा गुण्डागर्दी र चन्दा असुलीमा सक्रिय ‘बाघे’ भनेर चिनिने गुण्डा सुकबहादुर तामाङ पक्राउ परका छन् । महानगरीय प्रहरी परिसर काठमाडौंले उनलाई स्वयम्भु क्षेत्रबाट पक्राउ गरेको हो ।

परिसरका अनुसार धम्काएर रकम उठाउने काममा सक्रिय भएको भन्दै उजुरी परेपछि परिसरले उनलाई नियन्त्रणमा लिएको हो ।

Yamaha

परिसरका प्रमुख एसएसपी वसन्त लामाका अनुसार वर्षौंदेखि गुण्डागर्दी र धम्काएर रकम असुली जस्ता काममा बाघेको संग्लनता देखिएको छ । प्रहरीका अनुसार रानीवन बस्ने बाघे लामो समयदेखि अर्का गुण्डा दीपक मनांगेसँग मिलेर काम गर्दै आएका थिए । पछिल्लो समय मनांगे पक्राउ परेपछि बाघेले आफ्नै गुण्डा समूह बनाएर असुलीको धन्दा चलाउँदै आएका थिए ।

बाघेको यसअघि पनि विभिन्न अपराधमा पटकपटक पक्राउ परेर छुटेका गुण्डा हुन् । २०५९ मा झापा बेलडागी घर भई अनामनगर बस्ने लोचनप्रसाद विमलीलाई काठमाडौंका एक होटलमा बोलाएर हतियार देखाई १ लाख २८ हजार रुपैयाँ बराबरको धनमाल लुटेको आरोप उनलाई लागेको थियो । उक्त घटनामा पक्राउ परेका बाघे सजाय भुक्तान गरेर छुटेका थिए । २०७० मा प्रहरी परिसर काठमाडौंका तत्कालिन एसएसपी रमेश खरेलको पालामा पनि बाघे सार्वजनिक अपराध मुद्दामा पक्राउ परेका थिए ।

२०७३ फागुनमा प्रहरी परिसर काठमाडौंले पक्राउ गरी सार्वजनिक अपराधको मुद्दा चलाएको थियो । बाघेलाई महानगरिय प्रहरी वृत्त कालीमाटीले २०७४ कार्तिक १५ मा पक्राउ गरी अपहरण तथा शरिर बन्धकको मुद्दा चलाएको थियो । त्यतिबेला कलंकीस्थित मितेरी यातायातका शंकर शर्मा गुरागाईंलाई अपहरण गरी बन्धक बनाएको आरोप बाघेलाई लागेको थियो । उक्त मुद्दामा पनि बाघेले सजाय भुक्तान गरी छुटेका एसएसपी लामाले बताए ।

पछिल्लो पटक २०७४ बैशाख २ गते महानगरीय प्रहरी वृत्त बालाजुले उनलाई पक्राउ गरेको थियो । सार्वजनिक अपराधको मुद्दामा पक्राउ परेका बाघे त्यतिबेला पनि सजाय भुक्तान गरेर छुटेका थिए । २०७४ जेठ १० गते पनि प्रहरी परिसर काठमाडौंका तत्कालिन प्रहरी प्रमुख एसएसपी छविलाल जोशीले पक्राउ गरेका थिए । त्यतिबेला सार्वजनिक अपराधको मुद्दामा अनुसन्धान गरिएको बाघे केही साता थुनामा बसेर छुटेका थिए ।

Esewa Pasal

प्रकाशित : भाद्र २१, २०७५ १८:४०
प्रतिक्रिया
पठाउनुहोस्
ADVERTISEMENT
ADVERTISEMENT

कान्तिपुरकर्मी अवस्थीलाई आर्थिक पत्रकारिता पुरस्कार 

कान्तिपुर संवाददाता

काठमाडौँ — डा. हरिहरदेव पन्त आर्थिक पत्रकारिता पुरस्कार कान्तिपुर दैनिकका आर्थिक सम्पादक गोकर्ण अवस्थीलाई प्रदान गरिएको छ । स्वर्गीय हरिहरदेव पन्तको तेस्रो वार्षिक पूण्य स्मृतिका अवसरमा हरिहरदेव पन्त फाउण्डेसनले बिहीबार अवस्थीलाई उक्त पुरस्कार प्रदान गरेको हो । 

मुलुकको आर्थिक विकास तथा विस्तारका लागि पत्रकारिताको माध्यमबाट महत्वपूर्ण योगदान पुर्‍याएकाले अवस्थीलाई पुरस्कारद्वारा सम्मान गरिएको फाउण्डेसनले जनाएको छ।

यस्तै शैक्षिक उत्कृष्टता पुरस्कार रोशन कर्माचार्य र बिशिका पराजुलीलाई प्रदान गरिएकाे छ । कर्माचार्यले त्रीभुवन विश्वविद्यालयबाट मौद्रिक अर्थशास्त्रमा स्नातकाेत्तर तहमा सर्वोत्कृष्ट स्थान हासिल गरेका कारण सम्मानित भएका हुन् । पराजुलीलाई भनेत्रीभुवन विश्वविद्यालयबाट ग्रामिण विकास विषयमा स्नातकाेत्तर तहमा सर्वोत्कृष्ट स्थान हासिल गरेकोले सम्मान गरिएको हो ।

साथै फाउण्डेशनले ७ वटै प्रदेशका उत्कृष्ट लघु उद्यमीहरुलाई पनि पुरस्कृत गरेको छ ।

करिब दुई दशक देखि सक्रिय रुपमा आर्थिक पत्रकारिता गरिरहेका अवस्थी हाल कान्तिपुर दैनिकमा आर्थिक सम्पादकका रुपमा कार्यरत छन्। अवस्थी आर्थिक पत्रकार समाज (सेजन) का पूर्व अध्यक्ष हुन् ।

नेपाल राष्ट्र बैंकका पूर्व डेपुटी गभर्नर एवं नेपालमा पहिलोपटक लघुवित्त सेवा शुरु गरेका पन्तको स्मृति दिवसका अवसरमा उक्त पुरस्कार प्रदान गरिएको हो।

प्रकाशित : भाद्र २१, २०७५ १८:३२
पूरा पढ्नुहोस्
प्रतिक्रिया
पठाउनुहोस्
ADVERTISEMENT
ADVERTISEMENT