गुण्डागर्दीका विभिन्न घटनामा संग्लन ‘बाघे’ पक्राउ

जनकराज सापकोटा

काठमाडौँ — शृंखलाबद्ध रुपमा गुण्डागर्दी र चन्दा असुलीमा सक्रिय ‘बाघे’ भनेर चिनिने गुण्डा सुकबहादुर तामाङ पक्राउ परका छन् । महानगरीय प्रहरी परिसर काठमाडौंले उनलाई स्वयम्भु क्षेत्रबाट पक्राउ गरेको हो ।

परिसरका अनुसार धम्काएर रकम उठाउने काममा सक्रिय भएको भन्दै उजुरी परेपछि परिसरले उनलाई नियन्त्रणमा लिएको हो ।

Yamaha

परिसरका प्रमुख एसएसपी वसन्त लामाका अनुसार वर्षौंदेखि गुण्डागर्दी र धम्काएर रकम असुली जस्ता काममा बाघेको संग्लनता देखिएको छ । प्रहरीका अनुसार रानीवन बस्ने बाघे लामो समयदेखि अर्का गुण्डा दीपक मनांगेसँग मिलेर काम गर्दै आएका थिए । पछिल्लो समय मनांगे पक्राउ परेपछि बाघेले आफ्नै गुण्डा समूह बनाएर असुलीको धन्दा चलाउँदै आएका थिए ।

बाघेको यसअघि पनि विभिन्न अपराधमा पटकपटक पक्राउ परेर छुटेका गुण्डा हुन् । २०५९ मा झापा बेलडागी घर भई अनामनगर बस्ने लोचनप्रसाद विमलीलाई काठमाडौंका एक होटलमा बोलाएर हतियार देखाई १ लाख २८ हजार रुपैयाँ बराबरको धनमाल लुटेको आरोप उनलाई लागेको थियो । उक्त घटनामा पक्राउ परेका बाघे सजाय भुक्तान गरेर छुटेका थिए । २०७० मा प्रहरी परिसर काठमाडौंका तत्कालिन एसएसपी रमेश खरेलको पालामा पनि बाघे सार्वजनिक अपराध मुद्दामा पक्राउ परेका थिए ।

२०७३ फागुनमा प्रहरी परिसर काठमाडौंले पक्राउ गरी सार्वजनिक अपराधको मुद्दा चलाएको थियो । बाघेलाई महानगरिय प्रहरी वृत्त कालीमाटीले २०७४ कार्तिक १५ मा पक्राउ गरी अपहरण तथा शरिर बन्धकको मुद्दा चलाएको थियो । त्यतिबेला कलंकीस्थित मितेरी यातायातका शंकर शर्मा गुरागाईंलाई अपहरण गरी बन्धक बनाएको आरोप बाघेलाई लागेको थियो । उक्त मुद्दामा पनि बाघेले सजाय भुक्तान गरी छुटेका एसएसपी लामाले बताए ।

पछिल्लो पटक २०७४ बैशाख २ गते महानगरीय प्रहरी वृत्त बालाजुले उनलाई पक्राउ गरेको थियो । सार्वजनिक अपराधको मुद्दामा पक्राउ परेका बाघे त्यतिबेला पनि सजाय भुक्तान गरेर छुटेका थिए । २०७४ जेठ १० गते पनि प्रहरी परिसर काठमाडौंका तत्कालिन प्रहरी प्रमुख एसएसपी छविलाल जोशीले पक्राउ गरेका थिए । त्यतिबेला सार्वजनिक अपराधको मुद्दामा अनुसन्धान गरिएको बाघे केही साता थुनामा बसेर छुटेका थिए ।

प्रकाशित : भाद्र २१, २०७५ १८:४०
ADVERTISEMENT
प्रतिक्रिया
पठाउनुहोस्
ADVERTISEMENT

पाँचवटा रेडपान्डा सहित दुई पक्राउ

जनकराज सापकोटा

काठमाडौँ — पाँच वटा रेडपान्डा सहित प्रहरीले दुई जनालाई दरबारमार्गबाट पक्राउ गरेको छ ।

महानगरिय प्रहरी परिसर दरबारमार्गले बरामद गरेको रेडपान्डा ।


महानगरिय प्रहरी वृत्त दरबारमार्गले बोरामा हालेर रेडपान्डा बिक्री गर्न हिँडेका सोलखुम्बुका शुक्र राई र अजित बस्नेतलाई पक्राउ गरेको छ।

वृत्तका डिएसपी दानबहादुर मल्लका अनुसार उनीहरु रेडपान्डा बोकेर दुईवटा मोटरसाईकलमा बौद्धबाट दरबारमार्ग हुँदै कतै जाँदै थिए।

डिएसपी मल्लले भने, ‘विशेष सूचनाका आधारमा उनीहरु पक्राउ परेका हुन्।’ प्रहरीका अनुसार अजितले प्रहरीसँगको प्रारम्भिक बयानमा अरु नै कसैले सामान पुऱ्याईदिन भनेको बताएका छन्।

प्रहरीका अनुसार नेपालबाट लुकिछिपी छिमेकी देश चीनमा रेडपान्डाको कारोबार हुँदै आईरहेको छ। डिएसपी मल्लले पक्राउको घटनाबारे विस्तृत अनुसन्धान भइरहेको बताए।

प्रकाशित : भाद्र १९, २०७५ १६:५१
पूरा पढ्नुहोस्
प्रतिक्रिया
पठाउनुहोस्
ADVERTISEMENT
ADVERTISEMENT
ADVERTISEMENT
ADVERTISEMENT