हेलिकप्टर दुर्घटनामा बाँचेकी डोल्मालाई मेडिसिटी ल्याइयो
काठमाडौँ — नुवाकोटको मेघाङ गाँउपालिका–१ बर्सुन्चेतको मैलुङ पाखास्थित खोँचमा दुर्घटनाग्रस्त अल्टिच्युड एयरको हेलिकप्टरमा सवार एकमात्र जिवित महिला आनी डोल्मा उद्धार गरी ललितपुरस्थित मेडिसिटी अस्पताल ल्याइएको छ ।
हेलिकप्टरमा सवार ६ जनाको मृत्यु भएको छ भने उनी एकजना मात्रै बाँच्न सफल भएकी हुन् ।
आनीलाई सिम्रिक एयरको हेलिकप्टरबाट उद्धार गरी ललितपुरस्थित मेडिसिटी अस्पताल ल्याइएको हो ।
मेडिसिटी अस्पतालका चिकित्सकसहितको टोली उद्धारका लागि दुर्घटनास्थल गएको थियो ।
गोरखाको सामागाउँबाट शनिबार बिहान पाइलटसहित ६ जना नेपाली र एक जापानी नागरिक बोकेर आएको अल्टिच्युड एयरको हेलिकप्टर दुर्घटना भएको हो ।
प्रकाशित : भाद्र २३, २०७५ १८:१५प्रतिक्रिया