नेविसंघ महाधिवेशन कात्तिक दोस्रो साता

कान्तिपुर संवाददाता

काठमाडौँ — कांग्रेस भ्रातृ संगठन नेपाल विद्यार्थी संघको महाधिवेशन कात्तिक दोस्रो सातालाई प्रस्ताव गरिएको छ । संघको शनिबार बसेको बैठकले कात्तिक १६ देखि १८ सम्म राजधानीमा महाधिवेशन गर्ने निर्णय गरेको हो ।

पार्टी सहमहामन्त्री प्रकाशशरण महत नेतृत्वको निर्देशन समितिको परामर्शमा संघले मिति तोके पनि आवश्यक तयारी अघि बढाएको छैन । समितिले अध्यक्ष नैनसिंह महरको दुईवर्षे कार्यकाल भदौ पहिलो साता सकिएलगत्तै महाधिवेशन प्रयोजनका लागि तीन महिना थप गरेको थियो । यो अवधिभित्र महाधिवेशन सम्पन्न गर्न नसके संघ स्वत: विघटन हुन्छ ।

Yamaha

संघको वर्तमान नेतृत्वले महाधिवेशन गराउने तत्परता नदेखाएको भन्दै संस्थापनइतर पक्षले समानान्तर गतिविधि चलाउँदै आएको थियो । संघको प्रकाशित कार्यतालिकाअनुसार मावि र क्याम्पस अधिवेशन असोज ७, महानगर, उपमहानगर, नगर र गाउँपालिकाको अधिवेशन असोज १२, प्रदेश क्षेत्रको अधिवेशन असोज १५, ७७ जिल्ला र विदेशस्थित सम्पर्क समितिको अधिवेशन असोज २१ गते गर्ने प्रस्ताव छ ।

उपत्यका क्याम्पस अधिवेशन असोज २३, ७ प्रदेशको अधिवेशन कात्तिक १० र ११, केन्द्रीय अध्यक्षबाट महाधिवेशन प्रतिनिधिको मनोनयन कात्तिक १२ गते गर्ने प्रस्ताव छ । महाधिवेशन गराउने पक्षमा संस्थापन इतरपक्षले पनि सहमति जनाएको छ ।

प्रकाशित : भाद्र २३, २०७५ २०:००
प्रतिक्रिया
पठाउनुहोस्
ADVERTISEMENT
ADVERTISEMENT

बिमस्टेक मुलुकको संयुक्त सैन्य अभ्यासमा नेपाली सेना नजाने

कान्तिपुर संवाददाता

काठमाडौँ — भारतको पुणेमा हुने भनिएको बिमस्टेक मुलुकको संयुक्त सैन्य अभ्यासमा नेपाल सेना सहभागी नहुने भएको छ । प्रधानमन्त्री केपी ओलीले रक्षा मन्त्रालयमार्फत सेनालाई सैन्य अभ्यासमा नजान निर्देशन दिएका छन् ।

फाइल तस्बिर ।

सोमबार हुने संयुक्त अभ्यासका लागि सेनाले ३० जनाको फौज पारेको थियो । सैन्य अभ्यास अवलोकन गर्न प्रधान सेनापति पूर्णचन्द्र थापासमेत जाने कार्यक्रम थियो । ‘नजानु भन्ने कुनै निर्देशन त आएको छैन,’ नेपाली सेनाका प्रवक्ता गोकुल भण्डारीले भने, ‘तर निर्धारित तालिकाअनुसार यतिखेर पुणेमा हाम्रो टुकडी पुगिसक्नुपथ्र्यो, हामीले पठाएका छैनौं ।’

संयुक्त सैन्य अभ्यासमा नेपाली सेनाको सहभागितालाई मन्त्रिपरिषद्ले स्वीकृति नदिएकाले टुकडी रोकिएको रक्षा मन्त्रालय स्रोतले जनाएको छ । ‘हामी संयुक्त सैन्य अभ्यासमा नजाने भयौं,’ मन्त्रालयका एक अधिकारीले भने ।

आर्थिक र प्राविधिक विकासको क्षेत्रीय संगठनमा सैन्य अभ्यास हुन लागेको र त्यसबारे कुनै छलफलसमेत नगरिएको भन्दै सत्तारूढ दल र प्रमुख विपक्षीबाट चर्को विरोध भएको थियो । भारतीय प्रधानमन्त्री नरेन्द्र मोदीले संयुक्त अभ्यासमा सबै सदस्य राष्ट्र सहभागी हुने काठमाडौंमा आयोजित चौंथो बिमस्टेक शिखर सम्मेलनमा बताएका थिए ।


प्रकाशित : भाद्र २३, २०७५ १९:५४
पूरा पढ्नुहोस्
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT
ADVERTISEMENT
ADVERTISEMENT