किशोरी बलात्कार र हत्या प्रकरण : विष्टलाई ४ दिन थुनामा राख्न म्याद थप

भवानी भट्ट

कञ्चनपुर — कञ्चनपुरको भीमदत्त नगरपालिका २ उलटाखामकि १३ वर्षिया किशोरी निर्मला पन्तको बलात्कारपछि हत्या घटनामा प्रहरीले प्रमुख आरोपी दाबी गरिरहेको दिलिपसिंह विष्टलाई थप ४ दिन हिरासतमा राख्न म्याद थपिएको छ । 

हत्या आरोपमा पक्राय गरिएका दीलिपसिंह विष्ट ।

भदौ २२ गतेदेखि लागु हुने गरि आईतबार दोस्रो पटक म्याद थप गरिएको हो ।

Yamaha

जिल्ला अदालतमा न्यायाधीश डा. राजेन्द्रकुमार आचार्यको बेन्चले म्याद थप गरेको अदालतका श्रेष्तेदार हरिकृष्ण अवस्थीले जानकारी दिए । भीमदत्त नगरपालिका १९ बागफांटाका उनलाई थुनामा राख्न यसअघि पहिलो पटक भदौ ४ मा १० दिनको म्याद थप गरिएको थियो । भदौ १२ मा अदालतको अनुमति लिएर विष्टलाई काठमाण्डौ लगिएको थियो ।

जिल्ला प्रहरी कार्यालयले अझै पनि घट्नाको अनुसन्धान भईरहेको बाहेक अन्य जानकारी दिन सकेको छैन । घट्नाको अनुसन्धान अधिकृत समेत तोकिएको डिएसपी कृष्णराज ओझाले विभिन्न कोणबाट अनुसन्धान भईरहेपनि ठोस रुपमा प्रगति हुन नसकेको बताए ।

प्रकाशित : भाद्र २४, २०७५ १७:२४
ADVERTISEMENT
प्रतिक्रिया
पठाउनुहोस्

नेकपा प्रवक्ता विश्वकर्मालाई ८ दिन थुनामा राखेर अनुसन्धान गर्न अनुमति

दुर्गालाल केसी

दाङ — नेत्रविक्रम चन्द नेतृत्वको नेपाल कम्युनिष्ट पार्टीका प्रवक्ता खड्गबहादुर विश्वकर्मालाई आइतबार दाङ देउखुरी जिल्ला अदालत पेश गरिएको छ । 

नेपाल कम्युनिष्ट पार्टीका प्रवक्ता खड्कबहादुर बिश्वकर्मालाई दाङ देउखुरी जिल्ला अदालतमा पेश गरिदै । तस्बिर: दुर्गालाल केसी/कान्तिपुर

प्रतिनिधिसभा र प्रदेशसभा निर्वाचनका क्रममा तुलसीपुरमा भएको बम विस्फोट मुद्दामा विश्वकर्मालाई आठ दिन थुनामा राखेर अनुसन्धान गर्न अदालतले अनुमति दिएको छ ।

विश्वकर्मालाई शुक्रबार भोजपुरबाट दाङ ल्याइएको थियो । भोजपुरबाट हिडेको दिन बुधबारबाट आठ दिनको म्याद थप भएकाले अब प्रहरीलाई तीन दिन मात्रै समय बाँकी छ । आइतबारसम्म पाँच दिन बितिसकेकाले तीन दिनमा यथेष्ट प्रमाणसहित पेश गर्न अदालतले आदेश दिएको छ ।

शुक्रबार कार्यालय बन्द भएकाले आइतबार अदालत पेश गरिएको जिल्ला प्रहरी प्रमुख एस्पी कृष्णहरी शर्माले बताए । निर्वाचनका क्रममा गत वर्ष मंसिर १२ गते बम बिस्फोट हुँदा म्यादी प्रहरी तुलसीपुर–१२ क्वाङीका २३ वर्षीय विनोद चौधरीको मृत्यु भएको थियो । अनुसन्धानका क्रममा विश्वकर्माको डायरीमा दाङमा बम विस्फोटबारे लेखिएको भेटिएपछि दाङ ल्याइएको प्रहरीले जनाएको छ ।

तत्कालिन प्रधानमन्त्री एवं कांग्रेस सभापति शेर बहादुर देउवाले सम्बोधन गर्ने चुनावी सभालाई लक्षित गरी बम विस्फोट भएको थियो । विस्फोटबाट म्यादी प्रहरीसहित ९ जना घाईते भएका थिए ।

देउवा हेलिकप्टरबाट टरिगाउँ विमानस्थलमा अवतरण गरी गाडीमा अरनिको मैदानस्थित सभालाई सम्बोधन गर्न जाँदै गर्दा तुलसीपुर उपमहानगरपालिका–५ घ लाईनमा बम विस्फोट भएको थियो ।

प्रकाशित : भाद्र २४, २०७५ १६:५५
पूरा पढ्नुहोस्
प्रतिक्रिया
पठाउनुहोस्
ADVERTISEMENT
ADVERTISEMENT
ADVERTISEMENT
ADVERTISEMENT