किशोरी हत्या प्रकरण : छानबिन समिति सदस्यद्वारा राजीनामा

‘मलाई ज्यानको जोखिम पनि देखिएको छ’
भवानी भट्ट

कञ्चनपुर — बलात्कारपछि हत्या गरिएकी १३ वर्षीया किशोरी निर्मला पन्तको घटना जाँचबुझका लागि गृह मन्त्रालयले गठन गरेको उच्चस्तरीय छानबिन समितिका एक सदस्यले राजीनामा दिएका छन् । 

प्रदेश ७ को अन्तरिक मामिला तथा कानुन मन्त्रालयबाट बलात्कारपछि हत्या गरिएकी १३ वर्षीया किशोरी निर्मला पन्तको घटना जाँचबुझका लागि गृह मन्त्रालयले गठन गरेको उच्चस्तरीय छानबिन समितिमा प्रतिनिधित्व गरेका उपसचिव वीरेन्द्र केसी ।

समितिमा प्रदेश ७ को अन्तरिक मामिला तथा कानुन मन्त्रालयबाट प्रतिनिधित्व गरेका उपसचिव वीरेन्द्र केसीले सोमबार काठमाडौंमा पत्रकार सम्मेलन गरी राजीनामा दिएका हुन्।

Yamaha

उपसचिव केसीले समितिको म्याद थप भएको विषयमा असहमति जनाउँदै राजीनामा दिएको जनाएका छन्। उनले १५ दिन म्याद थप गरिएपछि निर्मलाले न्याय पाउनेमा शंका लागेर राजीनामा दिएको बताए। ‘म्याद थप भएपछि मैले समितिमा बसिरहन उपयुक्त ठानिनँ,’ केसीले भने, ‘मलाई ज्यानको जोखिम पनि देखिएको छ।’

केसीले १५ दिन म्याद थप्दा कानुनी समस्या समेत आउने विज्ञप्तीमा उल्लेख गरेका छन्। समितिको १५ दिनको म्याद आइतबार समाप्त भएको हो। २५ दिन भन्दा बढी हिरासतमा राख्न नपाइने कानुनी प्रावधानले समयमा प्रतिवेदन पेश नगर्दा अपराधी उम्कन सक्ने प्रबल सम्भावना रहेको विज्ञप्तीमा उल्लेख छ। उनले समितिबाट राजीनामा दिएको कुरा हुलाकमार्फत संयोजक र गृह मन्त्रालयमा पठाएको बताए।

केसीले यस विषयमा छानबिन समितिका संयोजक हरिप्रसाद मैनाली र गृह मन्त्रालयमासमेत जानकारी गराएको बताए।

उनले भदौ १८ मै सरकारसमक्ष जिम्मेवारीबाट हटेको जानकारी दिन निवेदन पेश गरे पनि संयोजकको आग्रह र सल्लाह बमोजिम समितिमा पुन: छानबिनमा संलग्न भएको बताए।

Esewa Pasal

प्रकाशित : भाद्र २५, २०७५ १५:०३
ADVERTISEMENT
ADVERTISEMENT
प्रतिक्रिया
पठाउनुहोस्

उजाड बगर हराभरा

भवानी भट्ट

कञ्चनपुर — भीमदत्त नगरपालिका–९ मटेनाको कामीकाटे खोलाको दुवैतर्फ हराभरा घना वन छ । नदी छेउसम्मै नयाँं बिरुवा उम्रिने क्रम बढेको छ । केही वर्षअघिसम्म उजाड देखिने यो क्षेत्र संरक्षणले नमुना बन्दै गएको छ ।

स्थानीयको संरक्षण र चार वर्षअघि खोलाको दुवैतर्फ तटबन्ध निर्माणले यस्तो अवस्था आएको हो । स्थानीयले चरी चरन निषेध र वृक्षरोपण गरेर सामुदायिक वन सगै जोडिएको खोलालाई पनि संरक्षण गरेका हुन् ।


जिल्लाकै उत्कृष्ट सामुदायिक वनका रूपमा चिनिएको चुरे फेदीको वैजनाथ सामुदायिक वनका पदाधिकारी र उपभोक्ताहरू अहिले पनि वृक्षरोपण र संरक्षणमा तल्लीन भएर लागेका छन् । ‘१५ वर्षअघि यो वन पूरै सखाप भइसकेको थियो,’ सामुदायिक वनका पूर्व अध्यक्ष खडकसिंह विष्टले भने, ‘तलबाट हेरेपछि चुरेका नाङ्गा डाँडा मात्रै देखिन्थे ।’


त्यही बेलादेखि सामुदायिक वनले संरक्षण अभियान सुरु गरेको हो । वनभित्र घांँस–दाउरा संकलन पूर्ण रूपमा बन्द गरी चरिचरन पनि निषेध गरियो । त्यसपछि ४/५ वर्षमै फेरि घना वन बन्यो । वन विनाश हुँदै गए पनि कामीकाटे खोलाले पनि यहांँका बासिन्दालाई धेरै दु:ख दियो । सामुदायिक वनसमेत आधाभन्दा बढी कटान गरिसकेको थियो ।


संरक्षणले अहिले बिरुवा पुनरुत्पादन भएर बगर बनेको क्षेत्र पनि वनमा परिणत भएको छ । महाकाली सिँंचाइ आयोजनाले खोलाको दुवैतर्फ तटबन्ध निर्माण गरेपछि संरक्षणमा झन् सहज भएको स्थानीय बताउँछन् । यतिबेला तटबन्धमा पनि दुवैतर्फ सिसम र खयरका बिरुवा उम्रेर राम्रै वन बनेको छ । यसैगरी साल, विजयसाललगायतका बिरुवाहरू पर्याप्त मात्रामा पुनरुत्पादन हुन थालेका छन् ।

प्रकाशित : भाद्र २५, २०७५ १०:२०
पूरा पढ्नुहोस्
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT
ADVERTISEMENT
ADVERTISEMENT
ADVERTISEMENT