किशोरी हत्या छानबिन प्रकरण : राजीनामा दिएका उपसचिव केसी पुनः समितिमा फर्किए

कान्तिपुर संवाददाता

काठमाडौँ — बलात्कारपछि हत्या गरिएकी १३ वर्षीया किशोरी निर्मला पन्तको घटना जाँचबुझका लागि गृह मन्त्रालयले गठन गरेको उच्चस्तरीय छानबिन समितिबाट राजीनामा दिएका उपसचिव वीरेन्द्र केसी पुनः समितिमा फर्किएका छन् । 

प्रदेश ७ को अन्तरिक मामिला तथा कानुन मन्त्रालयबाट बलात्कारपछि हत्या गरिएकी १३ वर्षीया किशोरी निर्मला पन्तको घटना जाँचबुझका लागि गृह मन्त्रालयले गठन गरेको उच्चस्तरीय छानबिन समितिमा प्रतिनिधित्व गरेका उपसचिव वीरेन्द्र केसी ।

समितिमा प्रदेश ७ को अन्तरिक मामिला तथा कानुन मन्त्रालयबाट प्रतिनिधित्व गरेका उपसचिव वीरेन्द्र केसीले बधुबार प्रेस विज्ञाप्ति जारी गर्दै काममा फर्कने बताएका हुन्।

Yamaha

उनले बुधबार छानबिन समितिका संयोजकसहित भएको छलफलबाट वास्तविक दाेषी पत्ता लगाउने सम्बन्धी मन्त्रालय र आफ्नो उद्देश्यमा एक मत भएकाले पुन: छानबिन कार्यमा फर्कने निर्णय गरेको जनाएका छन्।

गृह मन्त्रालयले भदौ ७ गते सहसचिव हरिप्रसाद मैनालीको संयोजकत्वमा उच्च स्तरीय छानबिन समिति गठन गरेको थियो। उक्त समितिमा सदस्य रहेका उपसचिव केसीले साेमबार राजधानीमा पत्रकार सम्मेलन गरी 'जघन्य अपराधको विरुद्धमा उभिई निर्मलाको आत्मालाई र निजको परिवारलाई समितिको सदस्यका रूपमा न्याय दिन असम्भव देखेकाे' र 'शक्तिशाली अपराधीबाट जुनसुकै समयमा हत्या गर्न सक्ने प्रबल सम्भावना रहेकाे' भन्दै राजीनामा गरेका थिए।
प्रतिक्रिया
पठाउनुहोस्
ADVERTISEMENT

मानव अधिकारको बेवास्ता

कान्तिपुर संवाददाता

काठमाडौँ — ह्युमन राइट्स वाचका क्लाइभ वल्र्ड विनले कान्तिपुरमा अथ्र्याएको नेपालमा द्वन्द्वकालीन अपराधमा संग्लग्न मुख्य अपराधीहरूलाई के कस्तो कारबाही होला ? यदि भएन भने के होला भनी लेखेको लेखलाई कुनै पनि विद्वत समूहले क्रिया/प्रतिक्रिया नगरेको देख्दा उदेक लाग्यो ।

के क्लाइभले भनेजस्तो स्थिर सरकार बनेर पनि अपराधीहरू यसरी लगातार एकपछि अर्को स्वतन्त्र घुम्न पाउनु मानव अधिकार सुरक्षित भएको हो ? या उनीहरू अझ महसुर भएका हुन् ? सरकार मानव अधिकार संरक्षणमा किन मौन ? यदि बलियो सरकारले यो काम गर्न सक्दैन भने क्लाइभले भनेजस्तो नेपालका संदिग्ध अपराधीहरू तथा सरकारी अधिकारीहरू विदेश भ्रमणमा जाँदा अन्तर्राष्ट्रिय कानुन आकर्षित भई अन्तर्राष्ट्रिय अदालतबाट प्रताडित हुनसक्ने प्रबल सम्भावना रहन्छ ।
२/४ जना अपराधीलाई बचाउँदा राष्ट्रको शाख नै धुमिल हुने कार्य किन गरिराखेको छ, यो सरकार ?
– केदारनाथ त्रिपाठी,बुढानीलकण्ठ, काठमाडौं

प्रकाशित : भाद्र २७, २०७५ १०:५५
पूरा पढ्नुहोस्
प्रतिक्रिया
पठाउनुहोस्
ADVERTISEMENT
ADVERTISEMENT