कञ्चनपुरमा १० वर्षीया बालिका बलात्कृत, आरोपी प्रहरी हिरासतमा

भवानी भट्ट

कञ्चनपुर — १३ वर्षिया किशोरी निर्मला पन्तको बलात्कारपछि हत्या घटनाका दोषी डेढ महिनाभन्दा बढी समयसम्म पनि पत्ता नलागेको समयमा कञ्चनपुरमै फेरी अर्की बालिका बलात्कृत भएकी छिन् ।

माहाकाली नगरपालिका–४ मा मंगलबार साँझ १० वर्षीया बालिका बलात्कृत भएको प्रहरीले जनाएको छ। बलात्कार गरेको आरोपमा प्रहरीले स्थानीय ४० वर्षीय आईते सुनारलाई पक्राउ गरेको छ।

Yamaha

प्रहरीका अनुसार साँझको समयमा अन्य बालबालिकासँग खेलिरहेकी ती बालिकालाई आईतेले हात तानेर धान बारीमा लगेर बलात्कार गरेका थिए। बलात्कार गरिरहेकै अवस्थामा स्थानीयले थाहा पाएपछि उक्त कुरा बाहिर आएको हो।

इलाका प्रहरी कार्यालय दोधाराका प्रहरी निरिक्षक नरेन्द्रबहादुर चन्दले बालिकाको स्वास्थ्य परीक्षणपछि आफन्तको जिम्मा लगाइएको बताए। पक्राउ परेका आईतेमाथि जबरजस्ती करणीको मुद्दा दत्र्ता गर्ने तयारी भइरहेको उनले बताए।

‘निर्मला घटना’पछि यो तेस्रो घटना हो। यसअघि कञ्चनपुरकै बेल्डाडी गाउँपालिकामा पनि १५ वर्षीया बालिका बलात्कृत भएकी थिइन्।

प्रकाशित : भाद्र २७, २०७५ १७:५७
ADVERTISEMENT
प्रतिक्रिया
पठाउनुहोस्
ADVERTISEMENT

दृष्टिका सम्पादक श्रेष्ठसँग बयान (अपडेट)

कान्तिपुर संवाददाता

काठमाडौँ — नेपाल प्रहरीको महानगरीय प्रहरी परिसर ललितपुरले दृष्टि साप्ताहिकका सम्पादक शम्भु श्रेष्ठलाई बुधबार प्रहरी कार्यालयमा बोलाएर बयान लिएको छ । 

दृष्टिको समाचार साभार गरी अनलाइनमा प्रकाशित गरेको आरोपमा ठेचोस्थित घरबाट हत्कडी लगाएर नियन्त्रणमा लिइएका खोजतलास साप्ताहिकका प्रधानसम्पादक राजु बस्नेतको बयानका आधारमा प्रहरी परिसरले श्रेष्ठलाई पत्राचार गरी कार्यालयमा बोलाएर बयान लिएको हो ।

पटक–पटक बोलाउँदा पनि नगएपछि प्रहरीले आफूलाई उपस्थित हुन पत्र नै पठाएकाले बयान दिन गएको श्रेष्ठले जनाए । उनले समाचार छापेको या साभार गरेको आधारमा प्रहरीले पक्राउ गर्नु र बयान दिन बोलाउनु प्रेस स्वतन्त्रतामाथिको ठाडो हस्तक्षेप भएको बताए ।

‘खोजतलासमा छापिएको समाचार मेरो पत्रिका र अनलाइनमा छापिएको होइन, हेडलाइन र समाचारको कुनै पनि अंश मिल्दैन भनेर बयान दिएँ,’ उनले कान्तिपुरसँग भने, ‘मेरो पत्रिकामा छापिएको समाचार अरूले सार्ने अनि मैले बयान दिँदै हिँड्नुपर्ने ? प्रहरीले यसरी बयान लिनु प्रेस स्वतन्त्रतामाथिको हस्तक्षेप हो ।’

दृष्टि साप्ताहिकले आफ्नो वेबसाइटमा राखेको पत्रमा विद्युतीय कारोबार ऐनअन्तर्गत मुद्दा चलाई हिरासतमा रहेका बस्नेतले दिएको बयानलाई आधार मानेर कुरा बुझ्नुपर्ने भएकाले कार्यालयमा उपस्थित हुन भनिएको छ ।

‘दृष्टि साप्ताहिकको २०७५ भदौ १९ गते प्रकाशित अंकमा ‘हरिसिद्धिको जग्गा गैरकानुनी रूपमा बिक्री गर्न सांसदहरूकै दबाब’ शीर्षकमा छापिएको समाचार खोजतलासले साभार गरेको बयान प्रहरीमा दिएकाले त्यस विषयमा बुझ्न भन्दै दृष्टि मिडिया प्रालिलाई प्रहरीले बयानका लागि बोलाएको हो,’ दृष्टिले आफ्नो वेबसाइटमा लेखेको छ ।

प्रहरीले ‘खोजतलास’ साप्ताहिकका प्रधानसम्पादक बस्नेतलाई ४ दिन हिरासतमा राख्न अदालतबाट अनुमति लिइसकेको छ । बस्नेतलाई एक महिनाअघि मात्र प्रहरीले समाचार लेखेर फेसबुक र पत्रिकाको अनलाइनमा सेयर गरेको भरमा नियन्त्रणमा लिई दिनभर थुनेर छोडेको थियो । त्यतिबेला बस्नेतले ‘हरिसिद्धिको जग्गा कब्जा गर्न नेकपा नेताको गिद्धेनजर, मन्त्रीका भतिजाद्वारा मालपोतका कर्मचारीलाई सरुवा गर्ने धम्की’ शीर्षकमा समाचार लेखेका थिए । यो मुद्दामा भने प्रेस काउन्सिलले नै मिलापत्र गराएको थियो ।


प्रकाशित : भाद्र २७, २०७५ १७:४८
पूरा पढ्नुहोस्
प्रतिक्रिया
पठाउनुहोस्
ADVERTISEMENT