साक्षर गाउँमा औंठाछाप

मन्थली नगरपालिका ६ का पदमबहादुर तामाङलाई दस्तखत गर्न आउँदैन । उनी जुनसुकै बैठकमा ल्याप्चे लगाउँछन् । तर उनको नाम साक्षरको सूचीमा छ । काउलेका उनीजस्ता धेरै निरक्षरको नाम साक्षरको सूचीमा दर्ज छ ।

सरकारले गाउँका विद्यालयलाई निरक्षरलाई अनौपचारिक कक्षा सञ्चालन गरी अक्षर चिन्न र लेख्न लगाउने अभियान चलाएको थियो । कतिपय विद्यालयले उक्त कार्यक्रमलाई प्राथमिकतामा राखेर काम गरेर उपलब्धि लिए । तर, कतिपयले झारा टार्ने काम गरे । जिम्मेवारी बहनमा लापरबाही भएको परिणाम अहिलेसम्म ल्याप्चेले स्थान पाइरहेको छ । ग्रामीण तहमा गरिने कार्यक्रममा औंठाछाप घटेको छैन । सामान्य लेखपढ भएको सूचीका व्यक्तिले कहिल्यै दस्तखत गरेका छैनन् । दस्तखत र औंठाछाप हाराहारी नै हुने गरेको छ ।

‘यति धेरै त निरक्षर छैनन्,’ सुनापति गाउँपालिका अध्यक्ष धावा लामा भन्छन्, ‘भेला गर्ने बेला दस्तखतभन्दा चाँडो ल्याप्चे हुने भएकाले त्यस्तो लागेको हो ।