कान्तिपुर वेबसाईट
AdvertisementAdvertisement
२३.१२°C काठमाडौं
काठमाडौंमा वायुको गुणस्तर: १३४

मन्त्रिपरिषद बैठक : नेपाल वायुसेवा निगमको सदस्यमा खरेल

सुरज कुँवर

काठमाडौँ — नेपाल वायुसेवा निगमको संचालक समितिको सदस्यमा मदन खरेललाई नियुक्ति गरिएको छ । पर्यटन मन्त्री रवीन्द्र अधिकारीका अनुसार, शुक्रबार बसेको मन्त्रिपरिषदको बैठकले खरेललाई सदस्यमा नियुक्त गरेको हो ।

मन्त्रिपरिषद बैठक : नेपाल वायुसेवा निगमको सदस्यमा खरेल

निगमको संचालक समितिमा अध्यक्षसहित ७ जना सदस्य हुन्छन् । हालको व्यवस्था अनुसार पर्यटन सचिवले संचालक समितिको अध्यक्षता गर्दै आएका थिए । मन्त्रिपरिषदले सचिवको स्थानमा खरेललाई सदस्यमा मात्रै नियुक्ति दिएको हो ।


मन्त्रिपरिषदका एक सदस्यका अनुसार सरकारले अर्को क्याबिनेट बैठकमा खरेललाई कार्यकारी अध्यक्ष बनाउने तयारीका साथ हाललाई सदस्यमा नियुक्त गरेको हो ।


खरेल हालका महाप्रबन्धक सुगतरत्न कशांकारअघि निगममा खुला प्रतिष्प्रर्धाबाट महाप्रबन्धक भएका थिए । व्यक्तिगत कारण देखाउँदै उनी पूरा कार्यकाल नबसेर निगमबाट बाहिरीएका थिए । उनीपछि सरकारले कशांकारलाई मन्त्रिपरिषदबाट नियुक्त गरेको थियो । कशांकारको पदावधि सकिन नौ महिना हाराहारी बाँकी छ ।

प्रकाशित : भाद्र २९, २०७५ २२:३९
प्रतिक्रिया
पठाउनुहोस्
जनताको राय

बैंकमा लगानीयोग्य रकम थुप्रिएर साढे ६ खर्ब नाघेको छ। बैंकहरूले ब्याजदर घटाउँदासमेत कर्जा प्रवाह बढ्न नसक्नुको कारण के हो?