कुवेतमा मारिएकी नेपाली महिलाका आफन्त भेटिएनन्
काठमाडौँ — नेपाली दूतावासले कुवेतमा हत्या भएकी पेसलमाया राईको परिवार नभेटिँदा शव पठाउन सकेको छैन । सुनसरीकी ४५ वर्षीया राईको गत अगस्ट ३ गते हत्या भएको थियो ।
नेपाली दूतावासका अनुसार राईलाई आफ्नै स्पोन्सर (साहु)को छोराले छुरा प्रहरी हत्या गरेको थियो । हत्यामा संलग्न भएको अभियोगमा कुवेती नागरिकलाई अनुसन्धानको लागि हिरासतमा राखिएको छ । ‘कुवेतीवाट हत्या भइसकेको प्रमाणित भइसकेको छ । पीडितको परिवारसँग सम्पर्क नहुदाँ शव पठाउन नसक्नुको साथै क्षतिपुर्ति पाउने लगायतको कानुनी प्रक्रिया अगाडि बढाउन सकिएको छैन,’ दूतावासका द्ितीय सचिव ज्ञानबहादुर मगरले बताए ।
उनी २०७० भदौ ४ गते घरेलु कामदारको लागि श्रम स्विकृति लिएर कुवेत गएकी थिइन् ।
प्रकाशित : आश्विन ७, २०७५ १७:३९