एसिड प्रहारबाट घाइते सम्झनाको मृत्यु
रौतहट — गत भदौ २६ गते राति एसिड प्रहारमा गम्भीर घाइते चन्द्रपुर नगरपालिका ६ की १८ वर्षीया सम्झनाकुमारी दासको मृत्यु भएको छ । उनको कीर्तिपुर अस्पतालमा उपचारको क्रममा अाइतबार राति मृत्यु भएको हो ।
घरमा सुतिरहेका बेला राति सम्झना र उनकी बहिनी १५ वर्षीया सुस्मिता कुमारी माथि एसिड प्रहार गरिएको थियो । घटनाको ६ दिन पछि छिमेकी रामबाबु पासवानलाई पक्राउ गरेको थियो । इलाका प्रहरी कार्यालय चन्द्रनिगाहपुरका डिएसपी युवराज खड्काले सम्झनाको बिहान मृत्यु भएको पुष्टि गरेका छन् ।
एसिड प्रहारबाट घाइते सुस्मिताको उपचार भइरहेको छ । उनको अवस्था ठीक रहेको बुवा जादोलाल दासले बताए । सम्झना शरीरका धेरै ठाउँमा र अनुहारमा बढी एसिड परेर गम्भीर घाइते भएकी थिइन् । उनको २ पटक शल्यक्रिया गरिएको थियो ।
प्रकाशित : आश्विन ८, २०७५ ०८:१०प्रतिक्रिया
