विश्वकर्मालाई पक्राउ नगर्न आग्रह

टोलीले विश्वकर्मालाई पटक–पटक पक्राउ गर्दा संवादको वातावरण बन्न नसकेकोतर्फ सरकारको ध्यानाकर्षण गराएको छ । ‘सर्वोच्च अदालतले छोडिदिएपछि पनि पुन: पक्राउ गर्दा वार्तालाई सहज बनाउँदैन’, वार्ता टोलीका संयोजक सोमप्रसाद पाण्डेले भने, ‘त्यसैले हामीले गृहमन्त्री रामबहादुर थापालाई यस विषयमा ध्यानाकर्षण गराएका छौं ।’ प्रहरीले विश्वकर्मालाई पाँचपटकसम्म पक्राउ गरिसकेको छ ।

टोलीले वार्ताको वातावरण तयार भएपछि केही दिनभित्रै नेकपालाई औपचारिक पत्र पठाउने पाण्डेले बताए । उनका अनुसार टोलीले हालसम्म १२ समूहलाई पाँच जनासम्मको टोली बनाएर वार्तामा आउन पत्र पठाएको छ ।