पूँजीवादले बलात्कारका घटना बढ्यो : गृहमन्त्री

गृहमन्त्री थापाले दलाल पूँजीवाद हाबी भएको र आत्मनिर्भर अर्थतन्त्र नभएकोले बलात्कारका घटना निम्त्याउने गरेको बताए । उनले भने, 'अब समाजिक आर्थिक आधार भत्काउनु पर्‍यो ।

सरकार आफैंले मात्र नियन्त्रण गर्न सक्दैन । जनता पनि आफैं सजग हुनुपर्छ ।'

यस्तै उनले अनियन्त्रित मदिराले पनि अपराध बढेको बताए । उनले प्रविधिले गर्दा साइबर क्राइम बढेको बताए ।

सांसदहरुले सरकार बलियो हुँदा पनि हत्या, हिंसा, बलात्कारका घटना कम हुन नसकेको भन्दै मन्त्रीलाई प्रश्न गरेका थिए । जवाफमा गृहमन्त्रीले सरकारको बचाऊ गर्दै यस्तो घटना नयाँ नभएको र यसअघि पनि हुने गरेको बताए । उनले भने, 'यो सरकार आएपछि मात्रै बलात्कार, हत्या र हिंसा बढेको हैन । यस्ता घटनापछि सामाजिक कारणहरु पनि छन् ।'