सेनाभित्र भ्रष्टाचार मौलाएको छ: सेनापति थापा

दीपेन्द्र विष्ट

काठमाडौँ — प्रधान सेनापति पूर्णचन्द्र थापाले सेनाभित्र भ्रष्टाचार मौलाएको स्वीकारेका छन् । सैनिक मुख्यालयमा दसैं–तिहार तथा छठ पर्वको शुभकामना आदान प्रदान कार्यक्रमा सेनापति थापाले एक्लो प्रयासले भ्रष्टाचार रोक्न कठिन भएको भन्दै त्यसमा सबैको सहयोगको अपेक्षा गरे । 

प्रधान सेनापति पूर्णचन्द्र थापा । तस्बिर : कान्तिपुर ।

‘नागरिक समाज, सञ्चारजगत् सबैको सहयोग चाहिन्छ, भ्रष्टचार छैन नै भनेर म भन्दिँन’ उनले भने, ‘एकैदिनमा भ्रष्टचारलाई निमिट्यान्न गर्न सकिदैन, यसका लागि लामो प्रयास चाहिन्छ, त्यसका लागि म तयार छु।’

Yamaha

सेनाभित्र रहेका विकृति र विसंगतिलाई न्यूनीकरण गर्न आफूले कुनै कसर बाँकी नराख्ने भन्दै उनले त्यसका लागि काम सुरु गरिसकेको बताए। सेनाभित्र नातावाद, कृपावाद मौल्याएको भन्ने जनगुनासो आफूले सुनेको भन्दै उनले त्यस्तो कार्यलाई पूर्णरुपमा नियन्त्रण गर्ने बताए।

‘सेनाले कसैको भनुसुन र अनुचित दबाबमा परेर काम गरिदैन’ उनले भने, ‘यदि त्यस्तो छ भने पनि त्यसलाई पूर्णरुपमा रोक्छौँ।’ त्यसलाई नियन्त्रण गर्न पनि नागरिक समाजले सजग गराउनु पर्ने उनले बताए। प्रत्येक सेनालाई क्षमता र कार्यकुशलताको आधारमा समान अवसर दिइने उनले प्रष्ट पारे।संविधान विरोधी र विखण्डनवादीलाई नियन्त्रण गर्न सेना तयार रहेको उनले बताए।

‘संविधानप्रदत अधिकारलाई सेनाले स्वीकार गर्छ’ उनले भने,‘राज्य विरोधी गतिविधि नियन्त्रण गर्न सेना तयार छ, सरकारले अधिकारले जिम्मेवारी बहन गर्छौं,।’ सरकारद्वारा निर्देशित सबै अधिकार पालन गर्ने भन्दै उनले सिमा हुने अराजक गतिविधि नियन्त्रयण गर्न सेना तयार रहेको बताए।‘राष्ट्र विरोधी र विखण्डनवादी तत्वलाई सुक्ष्म तरिकाले नियाली राखेका छौँ’ उनले भने, ‘राष्ट्रको सुरक्षाको लागि सेना जतिबेला पनि तयार छ।’ तर,ती तत्वको नाम भने उनले उल्लेख गरेनन्।

निष्क्रय रहेको सैनिक अदालतलाई सक्रिय बनाइने उनले जानकारी दिए। सेनाले विभिन्न क्षेत्रमा लगानी गरेर व्यवसाय गर्न थालेको हो भन्ने सञ्चारकर्मीको प्रश्नमा सेनापति थापाले व्यवसायीकरण नगरेको भन्दै कल्याणकारी काम गरेको दाबी गरे।

‘बाह्य मुलुकका सेनाले पनि कल्याणकारी काम गरेका हुन्छन्’ उनले भने, ‘त्यसै अन्तर्गत अस्पताल, सैनिक महाविद्यालय लगायत विभिन्न काम गरेका छौँ,यो कल्याणकारी काम हो,व्यवसाय होइन।’सेनाले कल्याणकारी काम गर्नु पर्ने उनले दाबी गरे।

भूपूगोर्खा सैनिकले नेपालमा समेत विभिन्न कल्याणकारी काम गरेको उदाहरण दिंदै उनले यसले सेनाको छवि झन उजिल्याउने बताए। एकीकृत सुरक्षा प्रणाली लागू गरिने भन्दै उनले सम्भावित असुरक्षा भएमा त्यसलाई नियन्त्रण गर्न सेना सक्षम रहेको दाबी गरे।

प्रकाशित : आश्विन २५, २०७५ १६:०१
ADVERTISEMENT
ADVERTISEMENT
प्रतिक्रिया
पठाउनुहोस्
ADVERTISEMENT

पत्रकार पुस्तकालयको शिल्यान्यास

कान्तिपुर संवाददाता

काठमाडौँ — नेपाल पत्रकार महासंघमा पत्रकार पुस्तकालय तथा स्रोत केन्द्रको शिल्यान्यास गरिएको छ । पुस्तकालय गैरआवासीय नेपाली संघको आर्थिक सहयोग तथा नेपाल लाइब्रेरी फाउण्डेशनको प्राविधिक सहयोगमा स्थापना गर्न लागिएको हो । 

महासंघमा आयोजित कार्यक्रममा अध्यक्ष गोविन्द आचार्यले महासंघमा बन्ने पत्रकार पुस्तकालय तथा स्रोत केन्द्रले पत्रकारको क्षमता अभिवृद्धिमा महत्वपूर्ण भूमिका खेल्ने धारणा राख्दै सहयोगका लागि गैरआवासीय नेपाली संघप्रति धन्यवाद व्यक्त गरे।

कार्यक्रममा गैरआवासीय नेपाली संघका अध्यक्ष भवन भट्टले पत्रकारिता राज्यको महत्वपूर्ण अंग भएका कारण महासंघसँग सहकार्य गरेको बताए। उनले समृद्ध नेपालका लागि गैरआवासीय संघ लागि परेको धारणा राखे।

नेपाल लाइब्रेरी फाउण्डेशनका अध्यक्ष कपिलदेव थापाले आफूहरुले क्यानडामा सिकेको आधुनिक पुस्तकालयसम्बन्धी सिपलाई नेपालका विभिन्न सामुदायिक संघसंस्थामा सहयोग गरिरहेको बताए। उनले नेपालको पत्रकारिता क्षेत्रसँग सहकार्य गर्न पाएको खुसी व्यक्त गरे।

प्रकाशित : आश्विन २५, २०७५ १५:५७
पूरा पढ्नुहोस्
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT
ADVERTISEMENT