पारिश्रमिक कम वृद्धि गरेकामा महासंघको आपत्ति

कान्तिपुर संवाददाता

काठमाडौँ — नेपाल पत्रकार महासंघले सञ्चारकर्मीको न्यूनतम तलब पारिश्रमिक निर्धारण समितिको सिफारिसभन्दा कम वृद्धि गरिएकोमा आपत्ति जनाएको छ । समितिले श्रमजीवी पत्रकारको पारिश्रमिक ५० प्रतिशत बढाउन सिफारिस गरे पनि सरकारले २५ प्रतिशत मात्र बढाएको थियो ।

‘महासंघ, श्रमजीवी पत्रकार, मिडिया सञ्चालक र सरकारी पक्षसमेत रहेको न्यूनतम पारिश्रमिक निर्धारण समितिले श्रमजीवी पत्रकारको न्यूनतम पारिश्रमिक २९ हजार ५ सय बनाउन गरेको सिफारिस लत्याउँदै २४ हजार ५ सय रुपैयाँ मात्र बनाउने सरकारको निर्णयप्रति महासंघ दु:ख प्रकट गर्छ’, महासचिव रमेश विष्टद्वारा बिहीबार जारी विज्ञप्तिमा छ ।

Yamaha

महासंघले समितिको सिफारिसअनुसार न्यूनतम पारिश्रमिक पुनरवलोकन गर्न सरकारसित माग गरेको छ । केही सञ्चारमाध्यमले श्रमजीवी पत्रकारलाई समयमा पारिश्रमिक उपलब्ध नगराएकामा समेत महासंघले आपत्ति प्रकट गरेको छ ।

‘विजयादशमीअगावै श्रमजीवी पत्रकारको बाँकी पारिश्रमिक उपलब्ध गराउन र श्रमजीवी पत्रकार ऐन कार्यान्वयन गर्न/गराउन महासंघ सञ्चारमाध्यम र सरकारलाई आग्रह गर्छ, श्रमजीवी पत्रकार ऐन लागू नगर्ने सञ्चारमाध्यमविरुद्ध महासंघ कठोर ढंगबाट प्रस्तुत हुन बाध्य हुने स्पष्ट पार्न चाहन्छौं’, विज्ञप्तिमा छ ।

प्रकाशित : आश्विन २५, २०७५ १९:२०
ADVERTISEMENT
प्रतिक्रिया
पठाउनुहोस्
ADVERTISEMENT

एउटै कार्यक्रममा दुई मन्त्री

कान्तिपुर संवाददाता

स्याङ्जा — यहाँका तीन स्थानीय तहमा निर्माण गरिएका मोटरेबल पुल र निर्माण सुरु गरिएको पुलको दुई मन्त्रीले बिहीबार संयुक्त रुपमा उद्घाटन र शिलान्यास गरेका छन् । 

एउटै मञ्च र एउटै कार्यक्रमका लागि भौतिक पूर्वाधार तथा यातायातमन्त्री रघुवीर महासेठ र भूमि व्यवस्था, सहकारी तथा गरिबी निवारण मन्त्री पद्मा अर्याल स्याङ्जा आएका हुन् ।

अर्जुनचौपारी गाउँपालिकाअन्तर्गत १ र २ नम्बरका वडा जोड्ने दरौं खोलाको मोटरेबल पुल, १ र ३ वडालाई जोड्ने सोही खोलाको अर्को मोटरेबल पुलको उद्घाटन, भगवती सहकारी संस्थाको उद्घाटन र गाउँपालिकाअन्तर्गत चक्रपथ निर्माणको शिलान्यास उनीहरूले गरे ।

यसैगरी भीरकोट नगरपालिका २ र ५ वडा जोड्ने मोटरेबल पुल बनाउन संयुक्त प्रतिबद्धता गरे । भीरकोट ४ र वालिङ १ जोड्ने आँधीखोलाको मोटरेबल पुलको पनि शिलान्यास र कालीगण्डकी गाउँपालिकामा निर्माण गरिएका २ मोटरेबल पुलको पनि संयुक्त उद्घाटन गरिएको थियो ।

प्रकाशित : आश्विन २५, २०७५ १९:१२
पूरा पढ्नुहोस्
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT