राष्ट्रपति भण्डारी कतार प्रस्थान [फोटो फिचर]

राष्ट्रपति भण्डारी कतारका अमिर शेख तमिम विन हमाद अल–थानीको निमन्त्रणमा त्यसतर्फ गएकी हुन् ।

कतारमा नेपालका राष्ट्रपतिले गर्न लागेको यो दोस्रो भ्रमण हो। यसअघि प्रथम राष्ट्रपति रामवरण यादवले कतार भ्रमण गरेका थिए। झन्डै चार लाख नेपाली कार्यरत कतारमा उच्चस्तरीय भ्रमणले दुई देशको सम्बन्ध अझ प्रगाढ हुने विश्वास नेपालको छ।

भण्डारीले कात्तिक १३ मा कतारी अमिर तमिमसँग औपचारिक संवाद गर्ने परराष्ट्र मन्त्रालयले जनाएको छ। भ्रमण क्रममा भण्डारीले कतार फाउन्डेसनका अध्यक्ष शेख मोजा विन्ट नासिर, नेपाली व्यवसायी र समुदायसँग छुट्टाछुट्टै भेट गर्ने कार्यक्रम छ।

कतारमा रहँदा भण्डारीले समकक्षी तमिमसँग नेपाली कामदारको सुरक्षा, अवसर, चुनौती र लगानीको विषयमा छलफल गर्ने छिन्।राष्ट्रपतिको भ्रमण टोलीमा परराष्ट्रमन्त्री प्रदीप ज्ञवाली, परराष्ट्र सचिव शंकर बैरागीसहित उच्च सरकारी अधिकृत सहभागी छन्।