निर्माण व्यवसायी शरद गौचनलाई गोली हान्ने सुटर पक्राउ

उनीहरुको साथबाट नेपाली र भारतीय नम्बरको सिम, मोबाइल र इन्टरनेट चलाउन प्रयोग गरिने डंगोल बरामद गरिएको थियो ।

प्रहरीले उनीहरुलाई कहाँबाट पक्राउ गरिएको खुलाएको छैन । सोमबार अपरान्ह ४ बजे पत्रकार सम्मेलन गरेर विस्तृतमा बताइने प्रहरी स्रोतले जनाइएको छ । प्रहरीका अनुसार पक्राउ परेका तीनजना मध्ये एकले गौचनलाई गोली प्रहार गरेका थिए ।

पक्राउ परेका लोप्साङ भनिने सोम तामाङले २०७३ साल पुस ९ गते रुपन्देहीको देवदह-७ खैरेनीमा दुर्गा तिवारीलाई गोली हानेका थिए ।

यस्तै प्रहरीका अनुसार रानाले २०७३ साल चैत्र २९ गते ९ बजेर २२ मिनेटमा काठमाडौं, बौद्ध नयाँ वस्ती पार्टी प्यालेसको जिम क्लवमा काभ्रेका गुण्डा दावा लामालाई गोली प्रहार गरी घाइते बनाएका थिए ।

गौचनको राजधानीको व्यस्त बानेश्वरको खरिबोटमा २०७४ साल आश्विन २३ गते गौचनको हत्या भएको हो । बा १३ च ४९४८ नम्बरको ल्याण्ड क्रुजर गाडी चढेर घरबाट निस्केको केहीबेरमा उनी माथि गोली प्रहार गरिएको थियो ।

गौचनको मुटु, कलेजो र पेटमा एक/एक वटा गोली लागेको थियो ।

प्रहरीले तीनै जनाले अपराध स्विकार गरिसकेको बताएको छन् भने थप अनुसन्धान भइरहेको जनाएको छ ।