स्वास्थ्य मन्त्रालयको निमित्त सचिवमा डा प्याकुर्याल
काठमाडौँ — स्वास्थ्य तथा जनसङ्ख्या मन्त्रालयको निमित्त सचिवमा मन्त्रालयका प्रमुख विशेषज्ञ डा सुशीलनाथ प्याकुर्याल तोकिएका छन् ।
उपप्रधानमन्त्री एवम् स्वास्थ्य तथा जनसङ्ख्यामन्त्री उपेन्द्र यादवले अर्को व्यवस्था नभएसम्म १२औं तहका प्रमुख विशेषज्ञ प्याकुर्याललाई आर्थिक तथा प्रशासनिक कार्यका निमित्त यही कात्तिक २५ गते उक्त जिम्मेवारी दिएका हुन् । समग्र स्वास्थ्य सुधारका लागि आफूले काम गरिराखेको र आगामी दिनमा जारी रहने सचिव डा प्याकुर्यालले बताए ।
सङ्घीय प्रणालीमा स्वास्थ्यको कर्मचारी समायोजन कसरी गर्ने भन्ने मन्त्रालयका तर्फबाट गठित समितिको नेतृत्वसमेत उनले गरेका छन् ।
प्रकाशित : कार्तिक २८, २०७५ १७:२४प्रतिक्रिया
