संगठनलाई बदनाम गराउने प्रहरी अधिकारीलाई कारवाही हुन्छ : महानिरिक्षक खनाल

गागलफेदीमा नवनिर्मित प्रहरी बिट भवनको उद्धघाटन कार्यक्रममा बोल्दै उनले सो कुरा बताएका हुन् । ‘पछिल्लो समय प्रहरी संगठन माथि चारै तिरबाट प्रहार भइरहेको छ । यो केवल दुईचारजना खराब अधिकारीहरुको कारण हो,’ उनले भने, ‘मलाई जनताको तहबाट सूचना दिनुहोस्, म ती अधिकारीलाई ठाउँको ठाउँ कारवाही गर्छु ।’

उनले निर्मला हत्याकाण्डमा प्रहरीले धेरै तहमा टोली खटाएकोले अपराधी जसरी पनि पत्ता लगाउने दाबी समेत गरे । ‘हामीले विभिन्न तहका टोली खटाएर अनुशन्धान गरिरहेका छौं,’ उनले भने, ‘अनुशन्धान निष्कर्षमा पुग्छ । अपराधी पत्ता लाग्छ । र, त्यो अपराधमा संलग्न जो कोहीलाई पनि कारवाही हुन्छ ।’