तीन जनाविरुद्ध भ्रष्टाचार मुद्दा
काठमाडौँ — अख्तियार दुरुपयोग अनुसन्धान आयोगले मिथिला क्षेत्रका धार्मिक एवं सांस्कृतिक सम्पदाको भौतिक निर्माणमा अनियमितता गरेको आरोपमा ३ जनाविरुद्ध आइतबार विशेष अदालतमा भ्रष्टाचार मुद्दा दायर गरेको छ ।
मुद्दा दायर गरिएकामा रामजानकी मन्दिर कम्पाउण्ड वाल निर्माण उपभोक्ता समितिका अध्यक्ष ओमप्रकाश यादव, ब्रह्मस्थान उपभोक्ता समितिका अध्यक्ष अजयकुमार यादव, पर्यटन कार्यालय जनकपुरका ओभरसियर अनिरुद्र मण्डल छन् ।
अख्तियारले ओमप्रकाशमाथि एक लाख ३५ हजार, अजयकुमारमाथि एक लाख ३१ हजार र मण्डलमाथि दुई लाख ६६ हजार बिगो मागदाबी गरेको छ ।
उनीहरूमाथि काम नै नगरी नक्कली विल भरपाई बनाई रकम निकासा लिई भ्रष्टाचार गरेको दाबी अभियोगपत्रमा गरिएको छ ।
प्रकाशित : मंसिर २, २०७५ १७:५५प्रतिक्रिया