अनुदान आयोग अध्यक्षमा सुवेदी नियुक्त

उनले सोमबार पदभार ग्रहण गरेका छन् । प्राध्यापक परासर कोइरालाको चारवर्षे कार्यकाल पूरा भएपछि उक्त स्थान रिक्त थियो । सुवेदी भूगोल तथा जनसंख्याविद् हुन् । त्रिभुवन विश्वविद्यालयमा करिब चार दशक प्राध्यापन गरेका सुवेदीले हालै मात्र अवकाश पाएका थिए ।

त्रिवि भूगोल केन्द्रीय विभाग प्रमुख रहिसकेका सुवेदी काठमाडौं विश्वविद्यालयको विद्यापरिषद् सदस्य, पोखरा विश्वविद्यालयको अनुसन्धान समितिका सदस्य तथा खुला विश्वविद्यालयको प्राज्ञिक परिषदका सदस्य थिए । आयोग मुलुकमा स्थापित ११ विश्वविद्यालयको नियमन निकाय हो ।