१८.१२°C काठमाडौं
प्रहरी र फरार अभियुक्तबीच रातोपुलमा गोली हानाहान, राजन लिम्बू पक्राउ
काठमाडौँ — प्रहरीको खोजी सूचीमा रहेका फरार अभियुक्त राजन लिम्बू पक्राउ परेका छन् । महानगरीय अपराध अनुसन्धान महशाखाको टोलीले शुक्रबार पक्राउ गर्न खोज्दा रातोपुलमा दोहोरो गोली हानाहान भएको थियो ।
महाशाखाका प्रमुख एसएसपी धिरजप्रतास सिंहले पक्राउ गर्न खोज्दा लिम्बूले गोली चलाएपछि आत्मरक्षाका लागि प्रहरीले गोली चलाएको बताए ।
प्रहरीको गोली लागेका लिम्बूलाई ट्रमा सेन्टरमा उपचारमा राखिएको छ । एसएसपी सिंहका अनुसार उनको तिघ्रामा गोली लागेको छ ।
लिम्बू २०७३ फागुन १५ गते झापाको काँकडभिट्टास्थित एक सहकारी संस्थाबाट १ लाख डकैतीका मुख्य प्रतिवादी हुन् । गत मंसिर १२ गते इटहरीस्थित एक्टिभ मनि ट्रान्सफर कम्पनीका सविन दाहाललाई छुरा प्रहार गरी ३ लाख लुटेको आरोपमा पनि उनी प्रहरीको खोजी सूचीमा थिए ।
प्रतिक्रिया
