संसद् अधिवेशन चाँडै बोलाउने तयारी : उपसभामुख तुम्बाहाम्फे

कान्तिपुर संवाददाता

काठमाडौँ — उपसभामुख डा. शिवमाया तुम्बाहाम्फेले संसद् अधिवेशन चाँडै बोलाउने तयारी भइरहेको बताएकी छन् । करिब एक महिने बेलायत भ्रमण सकेर शुक्रबार स्वदेश फर्केकी उपसभामुख तुम्बाहाम्फेले त्रिभुवन विमानस्थलमा सञ्चारकर्मीसँग संसद् बैठक बोलाउने तयारी भइरहेको बताइन् । 

उनी बेलायतमा महिलाहरुलाई मताधिकार प्रदान गरिएको सय वर्ष पुगेको सन्दर्भमा नोभेम्बर ८ र ९ मा लन्डनमा महिला सांसदहरुको अन्तर्राष्ट्रिय सम्मेलनमा नेपालको तर्फबाट सहभागिता जनाउन त्यसतर्फ गएकी थिइन् । करिब ८६ मुलुकका महिला सांसदहरुको उपस्थिति रहेको सम्मेलन महिला अधिकार, महिला हिंसा र बालिका शिक्षासँग केन्द्रित थियो । सम्मेलनमा उपसभामुख तुम्बाहाम्फेले बालिका शिक्षाबारेमा धारणा राखेकी थिइन् ।

Yamaha

बेलायतमा रहँदा उनले एनआरएनए, भूपू गोर्खा, नेपाली संघसंस्थाहरुले गरेको कार्यक्रममा सहभागिता जनाएकी थिइन् ।

प्रकाशित : मंसिर २१, २०७५ १६:५६
ADVERTISEMENT
प्रतिक्रिया
पठाउनुहोस्
ADVERTISEMENT

पूर्वमन्त्रीसहित २१ जनाविरुद्ध भ्रष्टाचार मुद्दा, पा‌ण्डेसँग २ अर्ब १३ करोड बिगो माग

कान्तिपुर संवाददाता

काठमाडौँ — अख्तियार दुरुपयोग अनुसन्धान आयोगले राष्ट्रिय गौरवको सिक्टा सिँचाइ आयोजनामा अनियमितता भएको दाबीसहित २१ जनाविरुद्ध भ्रष्टाचार मुद्दा दायर गरेको छ । 

अख्तियारले पूर्वमन्त्री एव‌ं राप्रपा (प्रजातान्त्रिक) का नेता विक्रम पाण्डेलगायत ३ जना पूर्वआयोजना प्रमुख, हालका आयोजना प्रमुख र ९ जना उपसचिवस्तरका इन्जिनियरमाथि मुद्दा दायर गरेको हो। अख्तियारका अनुसार पाण्डेविरुद्ध २ अर्ब १३ करोड रुपैयाँ बिगो माग दाबी छ। पाण्डे गत निर्वाचनमा कांग्रेसको समर्थनमा चितवन ३मा उम्मेदवार बनेका थिए । तर, तत्कालीन एमाले र माओवादी केन्द्रको गठबन्धनका बलिया उम्मेदवार पुष्पकमल दाहाल प्रतिस्पर्धी बनेपछि पाण्डे पराजित भए । उनी पूर्व वनमन्त्रीसमेत हुन् ।

वर्तमान आयोजना प्रमुख सर्वदेवप्रसाद, सिडिई मिनराज ढकालविरुद्ध पनि भ्रष्टाचारविरुद्धको मुद्दा दायर भएको छ। उनीहरुमाथि बिगी माग दाबी छैन।

पूर्वआयोजना प्रमुख शरदचन्द्र पण्डितमाथि ५९ करोड ३४ लाख, दिलीपबहादुर कार्कीमाथि १ अर्ब ५६ करोड, रमेश बस्नेतमाथि २ अर्ब १२ करोड बिगो, माग/दाबी छ। सिडीईहरु सूर्यदेव थापा, योगेन्द्र मिश्र, श्यामबहादुर कार्की, सुशीलचन्द्र देवकोटा, कृष्णप्रसाद सुवेदी, प्रेमराज घिमिरे, वीरसिंह धामी, प्रकाशबहादुर कार्कीलाई पनि भ्रष्टाचार मुद्दा लगाइएको छ।

सिँचाइ विभागका इन्जिनियरहरु कमलप्रसाद रेग्मी, रविनाथबाबु श्रेष्ठ, आशिषभन्द्र खनाललाई पनि प्रतिवादी बनाइएको छ।

कालिका कन्स्ट्रक्सनका युवराज क्षेत्रीमाथि पनि मुद्दा दायर भएको छ। त्यसैगरी, उद्धवराज चौलागाईं, हेमनिधि शर्मा र अरुणकुमार चौधरीमाथि पनि भ्रष्टाचार मुद्दा छ।

हेर्नुहोस् नामवली र माग/दाबी गरिएको रकम

प्रकाशित : मंसिर २१, २०७५ १६:३६
पूरा पढ्नुहोस्
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT
ADVERTISEMENT
ADVERTISEMENT