धुन्चेमा २ किलो सुनसहित एकजना पक्राउ
रसुवा — रसुवाको धुन्चेबाट प्रहरीले एकजना व्यक्तिलाई २ किलो सुनसहित पक्राउ गरेको छ । गोसाइँकुण्ड गाउँपालिका-१, थुमानका निमा दोर्जे तामाङका साथबाट प्रहरीले नियमित चेकिङका क्रममा २ किलो सुन फेला पारेको हो ।
उनी ना१ज ६१७६ नम्बरको सुमोमा सवार भएर स्याफ्रुबेसीबाट काठमाडौं जान लागेका थिए ।
जिल्ला प्रहरी कार्यालयका डिएसपी सन्तोष तामाङका अनुसार प्रहरीमा गोप्य सूचना प्राप्त भएपछि चेकिङको क्रममा सुन फेला परेको हो । यसबारे थप अनुशन्धान भइरहेको पनि उनले जनाएका छन् ।
प्रतिक्रिया
