विज्ञ टोलीद्वारा सिक्टाको माटो निरीक्षण
नेपालगञ्ज — अस्ट्रेलियन विज्ञ टोलीले बाँकेमा निर्माणाधीन सिक्टा सिँचाइ आयोजनाको पश्चिम मूल नहरको माटो निरीक्षण गरेको छ ।
पश्चिम मूल नहरको केही स्थानमा देखा परेको घुलनशील माटोको निरीक्षण गर्न मंगलबार बाँके आएको विज्ञ टोली कार्य सम्पन्न गरी फर्किएको छ ।
सिक्टामा आर्थिक अनियमितता गरेर पश्चिम मूल नहर कमजोर हिसाबले निर्माण गरिएको ठहर गर्दै अख्तियार दुरुपयोग अनुसन्धान आयोगले ८ अर्ब ५० करोड रुपैयाँ बराबरको बिगोसहित २१ जनाविरुद्ध भ्रष्टाचारको मुद्दा दर्ता गरिसकेको छ ।
बाँकेको बालापुरदेखि ढकेरीको झिझरी खोलासम्मको करिब पाँच किलोमिटर क्षेत्रमा घुलनशील माटो बढी मात्रामा प्रयोग भएको आयोजना निर्देशक कृष्ण नेपाल बताए ।
प्रकाशित : मंसिर २९, २०७५ १२:४६