सरकार नै निर्मला पन्तको हत्यारा संरक्षण गर्न लागीपरेको देउवाको आरोप

उनलेे भने, ‘निर्मलालाई न्याय माग्दै पोष्टर टाँस्न जाँदा च्यातेर न्याय मार्न खोजेको छ । बलात्कारीलाई बचाउन सरकार लागीपरेको छ । ’

सरकारले गोविन्द केसीसँग सम्झौता गर्ने तर कार्यान्वयन नगर्ने, संविधान संशोधनको विषयमा मौन हुनु जस्ता हर्कतहरु देखाउन थालेको देउवाकाे भनाइ छ । सरकार संघीयतालाई कमजोर बनाउने खेलतर्फ लागि परेको देउवाको आरोप थियो ।

उनले बिनाप्रतिस्पर्धा बूढीगण्डकी जलविद्युत आयोजनाको ठेक्का चिनियाँ कम्पनीलाई दिएको बताउँदै कम्युनिष्ट सरकारको धेरै कमीकमजोरीहरु देखिएको बताए । वर्तमान सरकार बनेपछि हत्या हिंसा र राज्य संरक्षित अपराध बढेको देउवाको भनाइ छ ।

यस्तै द‍ेउवाले अब कांग्रेस पार्टी कसैले नछोड्नुपर्ने बताए । भने, ‘गणेशमान सिंहले पार्टी छोड्नु भएको थियो । अब कांग्रेस पार्टी कसैले छोड्नु पर्दैन ।’ देउवाले कम्युनिष्ट प्रधानमन्त्री भएका कारणले पहिलो संविधानसभाबाट संविधान जारी हुन नसकेको बताए । मुलुकका ठूला ठूला परिवर्तनहरु कांग्रेसकै नेतृत्वमा हुने गरेकाे उल्लेख गर्दै कांग्रेसकै नेतृत्वमा संविधान जारी भएकाे उनले बताए।