संसदीय पत्रकार समाजमा काफ्ले
काठमाडौँ — संसदीय मामिला पत्रकार समाजमा नारायण काफ्लेको अध्यक्षतामा १३ सदस्यीय नयाँ कार्यसमिति चयन भएका छन् ।
काठमाडौंमा आइतबार सम्पन्न अधिवेशनले खुलातर्फको उपाध्यक्षमा सञ्जीव बगाले, महिला उपाध्यक्षमा कृष्णा पौडेल, कोषाध्यक्षमा डीपी उपाध्याय, महासचिवमा अशोक दाहाल, सचिवमा विष्णु खड्कालाई चयन गरेको हो ।
त्यस्तै सदस्यमा सिर्जना घिमिरे, सोभिता रिसाल, अकलबहादुर कुँवर, विपी शाह, खगेन्द्र भण्डारी, वासु खड्का, जयसिंह महरा चयन भएका छन् । उपाध्यक्ष बगाले, कोषाध्यक्ष उपाध्याय र महासचिव दाहाल निर्विरोध चयन भएका हुन् ।
प्रकाशित : पुस १, २०७५ २०:५४प्रतिक्रिया