निर्मलाका बुबा डिस्चार्ज
काठमाडौँ — बलात्कारपछि हत्या गरिएकी निर्मला पन्तका बुबा यज्ञराज पन्त त्रिवि शिक्षण अस्पताल महाराजगन्जबाट आइतबार डिस्चार्ज भएका छन् । तीन साता लामो उपचारपछि पन्त पूर्ण रूपमा स्वस्थ भएकाले डिस्चार्ज गरिएको अस्पतालले जनाएको छ ।
छोरीको हत्यारा पत्ता लगाई कानुनी कारबाही गर्न सरकारसमक्ष माग राखी अनशनमा बसेका पन्तको स्वास्थ्यमा समस्या देखिएपछि उपचारका लागि काठमाडौं ल्याइएको थियो । उनलाई मंसिर ९ मा भर्ना गरिएको थियो । अस्पतालका अनुसार पन्तमा मानसिक तनाव बढी देखिएको र थाइराइडको समस्या थियो ।
प्रकाशित : पुस १, २०७५ २१:५०प्रतिक्रिया