राष्ट्रपतिद्वारा संसद्को तेस्रो अधिवेशन आह्वान

राष्ट्रपति कार्यालयबाट अधिवेशन आह्वानसम्बन्धी पत्र मंगलबार संसद् सचिवालयमा दर्ता भएको छ । सचिवालयले संसद् बैठक तयारी सुरु गरिसकेको छ । भोलि (बुधबार) बैठकबारे सूचना जारी गर्ने सचिवालयले जनाएको छ ।

संविधानसँग बाझिएका ३ सय ३९ ऐनमध्ये १ सय ७४ वटा संसद्ले परिमार्जन गर्नुपर्नेछ । १ सय ७४ मध्ये पनि ३६ वटा नयाँ कानुन बनाउनुपर्ने संसद् सचिवालयले बताएको छ । सरकारले तत्काल नयाँ विधेयक उपलब्ध नगराए पनि अधिवेशन विजनेसविहीन हुने छैन । गत दोस्रो अधिवेशनमा टुंग्याउन बाँकी ८ विधेयक संसद्‌मा छन् । सरकारले एक सय ६० भन्दा बढी ऐन फागुन २० भित्र बनाइसक्नु पर्नेछ ।

संसद्‌को दोस्रो अधिवेशन असोज ११ गते अन्त्य भएको थियो ।