दोस्रो बीआरआई शिखर सम्मेलनकाे औपचारिक उद्घाटन  

तीन दिने मञ्चको मुख्य विषय 'बेल्ट एण्ड रोड सहकार्यः एक उज्ज्वल साझा भविष्यको खोजी’ भन्ने रहेको छ। ३७ मुलुकका नेता, संयुक्त राष्ट्र संघका महासचिव र अन्तर्राष्ट्रिय मुद्रा कोषका महानिर्देशक गरी लगभग पाँच हजार विदेशी प्रतिनिधिहरू मञ्चमा सहभागी छन्। उक्त सम्मेलनमा नेपालबाट राष्ट्रपति विद्यादेवी भण्डारी उपस्थित छिन् ।

औपचारिक उद्घाटन शुक्रबार भएकाे बीआरआई शिखर सम्मेलन बिहीबार सुरु भएको हाे । बिहीबार विभिन्न १२ शीर्षकका फरक–फरक सत्रमा नेपाली व्यवसायीहरू पनि उपस्थित भएका थिए ।

शिखर मञ्चको उद्घाटन समारोहमा चिनियाँ राष्ट्रपति सीले 'बेल्ट एण्ड रोडको सुन्दर भविष्यको संयुक्त सिर्जना’ शीर्षकमा आफ्नो मन्तव्य सुनाए। अन्तरक्रिया, आपसी हित र साझा विकास नै बेल्ट एण्ड रोडको लक्ष्य रहेको बताउँदै उनले विभिन्न पक्षको संयुक्त प्रयासमा प्रथम शिखर मञ्चका निचोडहरू सफलताका साथ व्यवहारमा उतारेको दाबी पनि गरे।

१५० भन्दा बढी मुलुक र अन्तर्राष्ट्रिय संगठनले चीनसँग बेल्ट एण्ड रोडको संयुक्त निर्माणको सम्झौतामा हस्ताक्षर गरेको बताउँदै उनले बीआरआई प्रस्तावमा संयुक्त राष्ट्र संघ, एशियान, अफ्रिकी लीग, युरोपेली संघ, युरोप-एशिया आर्थिक संघ आदि अन्तर्राष्ट्रिय तथा क्षेत्रिय संगठनको विकास र सहकार्य योजनासँग जोडिएको सुनाए।

'विभिन्न मुलुकको विकास रणनीतिकसँग जोडेर विश्वको आर्थिक वृद्धिको लागि नयाँ स्पेस खोल्दै विकासका नयाँ मौका प्रदान गरेको छ साथै चीनको खुलापन विकासलाई नयाँ सम्भव पारेको छ,’ उनले भने ।

याे पनि पढ्नुहाेस्