तथ्याङ्क विभागको प्रतिवेदन भन्छ- '९ लाख ८ हजार नेपाली बेरोजगार'

बेरोजगारको संख्या ९ लाख ८ हजार रहेको जनाइएको छ । तथ्याङ्कअनुसार सबैभन्दा बढी पुरुष ५ लाख ११ हजार बेरोजगार छन् । ३ लाख ९७ हजार महिला बेरोजगार रहेको उल्लेख छ ।

श्रमशक्तिभन्दा बाहिरको जनसंख्या १ करोड २७ लाख ५० हजार रहेको उल्लेख छ । जसमध्ये पुरुषको संख्या ४२ लाख ५० हजार र महिला ८५ लाख रहेको उल्लेख छ । रोजगारीमा रहेका जनसंख्यामध्ये ६९ प्रतिशत सहरमा र ३१ प्रतिशत ग्रामीण क्षेत्रमा रहेको उल्लेख छ । रोजगारीमा रहेका पुरुषमध्ये सहरमा ६८ प्रतिशत र ग्रामीणमा ३२ प्रतिशत रहेका छन् । यस्तै, रोजगारीमा रहेका महिलाहरुमध्ये ७० प्रतिशत सहरमा र ३० प्रतिशत ग्रामीण क्षेत्रमा रहेको उल्लेख छ ।

श्रमशक्तिले पाउने पारिश्रमिकमा पनि विभेद रहेको उल्लेख छ । श्रमशक्तिको औषत आम्दानी १७ हजार ८ सय ९ रुपैयाँ छ । पुरुषले १९ हजार ४ सय ६४ र महिलाले १३ हजार ६ सय ६० रुपैयाँ आम्दानी गरेको उल्लेख छ । 'जसअनुसार महिलाले पुरुषको तुलनामा औषत मासिक ५ हजार ८ सय ३४ रुपैयाँ कम कमाउँछन,' प्रतिवेदनमा उल्लेख छ ।