संसद् अवरुद्ध गल्ती थियो : नेम्वाङ

‘हामीले त्यसरी संसद् अवरोध गर्नु संसदीय इतिहासमा गम्भीर गल्ती थियो,’ नेम्वाङले भने, ‘संसद् जनताको आवाज राख्ने ठाउँ हो, त्यसलाई चल्न नदिँदा लोकतन्त्रको घाँटी निमोठिएजस्तो हुन्छ ।’ संसद् सचिवालयले धुलिखेलमा आयोजना गरेको सञ्चारकर्मीसँगको संवादमा शनिबार नेम्वाङले त्यस्तो गल्ती दोहोरिन नदिन सबै सचेत हुनुपर्ने धारणा राखे ।

तत्कालीन एमालेले २०५८ सालमा त्यति बेलाका प्रधानमन्त्री गिरिजाप्रसाद कोइरालाको राजीनामा माग गर्दै ५७ दिनसम्म लगातार संसद् अवरुद्ध गरेको थियो ।