प्रधानमन्त्रीलाई प्रतिप्रश्न गर्न समय नपाएपछि कांग्रेस सांसदद्वारा विरोध, बैठक स्थगित

सम्बोधन लगत्तै नेपाली कांग्रेसका सांसद दिलेन्द्रप्रसाद बडु, मिनेन्द्र रिजाल, गगन थापा लगायतले प्रश्न गर्न पाउनुपर्ने माग गरेका थिए । सभामुखले समय नदिएपछि बैठकमा उपस्थित कांग्रेसका सबै नेताहरुले उठेर विरोध जनाएका थिए । विरोधका बीच नै सभामुखले अर्थसमितिका सभापति कृष्णप्रसाद दाहालले निमित्त भरण कोष विधेयक सम्बन्धी समितिको प्रतिवेदन पेश गर्ने अनुमति दिएपछि कांगेसका सांसदहरु रोस्टम घेर्न पुगेका थिए ।

रोस्टम अगाडि उभिएर कांग्रेस सांसदहरुले नाराबाजी गरिरहँदा दाहालले प्रतिवेदन पेश गरेका थिए । त्यसपछि भने सभामुख महराले बैठक १५ मिनेटका लागि स्थगित भएको जानकारी दिएका थिए ।