ठुलै खिचातानी छ भन्ने नठान्नु, सबै दल मिलेर जाने सहमति भएको छ : दाहाल
चितवन — पूर्वप्रधानमन्त्री तथा नेकपा अध्यक्ष पुष्पकमल दाहालले सत्तापक्ष, प्रतिपक्षबीच राष्ट्रिय मुद्दामा मिलेर जाने सहमति भएको बताएका छन् । मङ्गलबार भरतपुरमा आयोजित कार्यक्रममा दाहालले भने, 'माथि दलहरूबीच ठुलै खिचातानी छ कि भन्ने नठान्नु ।'
उनले प्रधानमन्त्री केपी ओली, कांग्रेस सभापति शेरबहादुर देउवा र आफूबीच बैठक बसेको र राष्ट्रिय मुद्दामा मिलेर जाने सहमति भएको बताए । भूकम्प पुनर्निर्माणसम्बन्धी जिल्ला समन्वय बैठकमा बोल्दा दाहालले उक्त जानकारी गराएका हुन् । उनले भूकम्पपछिको पुनर्निर्माण उत्साहजनक भएको बताए । 'विगतमा के भए धेरै तनाव नलिउँ । अब सबै हातेमालो गरेर अगाडि बढ्ने हो' दाहालले भने ।
प्रकाशित : पुस २४, २०७५ १५:२६प्रतिक्रिया