मर्यादाक्रमप्रति निर्वाचन आयोगको आपत्ति

संवैधानिक परिषदको सिफारिस तथा संसदीय सुनुवाइको प्रक्रिया पार गरी राष्ट्रपतिबाट नियुक्त हुने संवैधानिक निकायका पदाधिकारीलाई सरकारका कर्मचारी (मुख्यसचिव र प्रधानसेनापति) भन्दा धेरै पछाडि राखिनु गलत रहेको आयोगले जनाएको छ । मर्यादाक्रममा संवैधानिक निकायका प्रमुखलाई माथि राखिए पनि अन्य पदाधिकारी तथा सदस्यलाई मुख्यसचिव र प्रधानसेनापतिभन्दा पछाडि राखिएकोप्रति संवैधानिक निकायले आपत्ति प्रकट गर्दै आएका छन् । लोकसेवा आयोग तथा राष्ट्रिय मानव अधिकार आयोगले नयाँ मर्यादाक्रमप्रति आपत्ति जनाइसकेका छन् ।