कञ्चनपुरमा अवैध १८ किलो सुन बरामद, एक स्थानीय नियन्त्रणमा

पुनर्बास नगरपालिका २ दशरथ बस्तीमा एक स्थानीयको घरमा लुकाइराखेको अवस्थामा १ सय ८ टुक्रा (बिस्कुट) सुन बरामद भएको केन्द्रीय अनुसन्धान ब्यूरोका एसपी सुदीप गिरीले बताए । सुनसँगै एकजना स्थानीय पनि पक्राउ परेका छन् ।

सुन तस्करीमा अन्यको पनि संलग्नता हुन सक्ने भएकाले पक्राउ परेका व्यक्तिको नाम सार्वजनिक गरिएको छैन । भारतबाट नेपालतर्फ तस्करी भइरहेको सूचनाका आधारमा सिआईबीले उक्त सुन बरामद गरेको हो ।