संवैधानिक आयोगका अध्यक्षमा सिफारिस पौडेल र सुवेदीको सुनुवाइ मंगलबार, कांग्रेसद्वारा समिति बैठक बहिष्कार 

कांग्रेस सांसदहरुले भने सुनुवाइ समितिको आइतबारको बैठक पनि बहिष्कार गरेका छन् । राजनैतिक र नैतिक मूल्य मान्यताविपरीत संवैधानिक परिषद्ले विभिन्न आयोगका अध्यक्षहरु सिफारिस गरेको भन्दै कांग्रेसले सुनुवाइ बहिष्कार गर्दै आएको छ ।

सुनुवाइ समिति बैठक बहिष्कारबारे कांग्रेस सांसद पुष्पा भूसालले भनिन्, 'संवैधानिक व्यवस्थाविपरीत आयोगका अध्यक्षहरु सिफारिस गरिएकोले हामी गएनौं ।'

संवैधानिक परिषद् बैठकमा विपक्षी दलका नेतालाई नबोलाइ पाँच संवैधानिक आयोगका अध्यक्षहरु सिफारिस गरी प्रतिपक्षको भूमिकालाई शून्य गराएको र संविधान, ऐन कानुन प्रक्रिया र पद्धति उल्लंघन गरेको कांग्रेसको आरोप छ ।

प्रधानमन्त्री केपी ओलीको अध्यक्षतामा गत माघ ६ गतेको संवैधानिक परिषद् बैठकले संविधानमा नयाँ व्यवस्था गरिएका चार समावेशीसहित पाँच संवैधानिक आयोगमा अध्यक्ष सिफारिस गरेकोथियो ।

यो पनि पढौं :

• संवैधानिक आयोगका अध्यक्ष सिफारिसप्रति कांग्रेसकाे असहमति : सुनुवाइ समिति बैठक बहिष्कार
• पाँच आयोगमा अध्यक्ष नियुक्त गर्न सिफारिस, वित्तमा पौडेल, समावेशीमा सुवेदी, मधेसीमा दत्त, थारूमा चौधरी र मुस्लिममा अन्सारी