भाषाशास्त्री पोख्रेल अस्पताल भर्ना
विराटनगर — भाषाशास्त्री बालकृष्ण पोख्रेललाई स्थानीय श्री हस्पिटलको आईसीयूमा भर्ना गरिएको छ । स्पार्क अस्पतालमा फिजियोथेरापी गराइरहेका बेला शनिबार अचानक ‘पल्स’ घटेपछि उनलाई आईसीयू पुर्याइएको हो ।
उनको स्वास्थ्य अवस्थामा सामान्य सुधार आए पनि उमेर र स्वास्थ्यका कारण खतरामुक्त नरहेको डा. ओकार अहमदले बताए ।
‘स्वास्थ्य अहिले स्टेबल छ,’ डा. अहमदले भने, ‘तर खतरामुक्तचाहिँ हुनुहुन्न ।’ पोख्रेललाई माघ ६ गते मस्तिष्कघात भएपछि नर्भिक अस्पताल भर्ना गरिएको थियो । छोरा मुनाल पोख्रेलका अनुसार मस्तिष्कघातका कारण शरीरको देब्रे पाटो चल्न छाडेपछि १० दिनदेखि विराटनगरको स्पार्क अस्पतालमा फिजियोथेरापी गराउँदै आएका थिए ।
प्रकाशित : फाल्गुन ६, २०७५ ०९:५२प्रतिक्रिया