भाषाशास्त्री पोख्रेल अस्पताल भर्ना

उनको स्वास्थ्य अवस्थामा सामान्य सुधार आए पनि उमेर र स्वास्थ्यका कारण खतरामुक्त नरहेको डा. ओकार अहमदले बताए ।

‘स्वास्थ्य अहिले स्टेबल छ,’ डा. अहमदले भने, ‘तर खतरामुक्तचाहिँ हुनुहुन्न ।’ पोख्रेललाई माघ ६ गते मस्तिष्कघात भएपछि नर्भिक अस्पताल भर्ना गरिएको थियो । छोरा मुनाल पोख्रेलका अनुसार मस्तिष्कघातका कारण शरीरको देब्रे पाटो चल्न छाडेपछि १० दिनदेखि विराटनगरको स्पार्क अस्पतालमा फिजियोथेरापी गराउँदै आएका थिए ।