बारको नेतृत्वका लागि उम्मेदवारी
काठमाडौँ — कानुन व्यवसायीको छाता संगठन नेपाल बार एसोसिएसनको केन्द्रीय नेतृत्वका लागि सोमबार मनोनयन दर्ता भएको छ । सत्तारूढ नेकपा निकट कानुन व्यवसायी र प्रमुख प्रतिपक्षी कांग्रेसनिकट कानुन व्यवसायीले प्यानलै बनाएर उम्मेदवारी दिएका छन् ।
नेकपा निकट कानुन व्यवसायीको संगठन नेपाल लयर्स एसोसिएसन (एनएलए) का तर्फबाट वरिष्ठ अधिवक्ता चण्डेश्वर श्रेष्ठ र कांग्रेसनिकट कानुन व्यवसायीको संगठन डेमोक्रयाटिक लयर्स एसोसिएसन (डीएलए) का तर्फबाट अधिवक्ता सुनिलकुमार पोखरेलले अध्यक्षमा उम्मेदवारी दिएका छन् ।
महासचिवमा एनएलएबाट सुरेन्द्रबहादुर थापा र डीएलएबाट लीलामणि पौडेलले दाबी पेस गरेका छन् । नयाँ नेतृत्वका लागि आगामी चैत १६ मा चुनाव हुँदै छ । केन्द्रीय समितिमा एक अध्यक्ष, एक महासचिव, एक कोषाध्यक्ष, सबै प्रदेशबाट एक/एक जनासहित ८ जना उपाध्यक्ष तथा १४ सदस्यका लागि चुनाव हुनेछ ।
प्रकाशित : फाल्गुन ६, २०७५ २१:०५