दुर्घटनामा चालकसहित दुईको मृत्यु 

आँपटारबाट सदरमुकाम गाईघाटतर्फ आउँदै गरेको ना ५ त ६७६२ नम्बरको ट्याक्टर दुर्घटना हुँदा चालक त्रियुगा नगरपालिका—१५ का २७ वर्षीय दुर्गबहादुर मगर र रौतामाई गाँउपालिका—५ का ४३ वर्षीय दिलबहादुर राईको घटनास्थलमै मृत्यु भएको प्रहरी नायव उपरीक्षक अर्जुन रानाभाटले बताए ।

आपटारबाट सिन्कौली (तेजपात) लिएर गाईघाटतर्फ आउँदै गरेको ट्याक्टर आफैं अनियन्त्रित भई दुर्घटना हुँदा अन्य ४ जना घाइते भएको प्रहरी नायव उपरीक्षक रानाभाटले बताए । तेजपाता लोड गरिएको ट्याक्टरमा चालक मगरसहित ६ यात्रु सवार रहेको प्रहरीले जनाएको छ ।

घाइतेलाई उपचारका लागि जिल्ला अस्पतालतर्फ ल्याइएको प्रहरीले जनाएको छ । घाइतेको अवस्था गम्भीर रहेको छ ।