जन्मदिनमा वृक्षारोपण
काठमाडौँ — प्रधानमन्त्री केपी शर्मा ओलीले आँपको विरुवा रोपेर आफ्नो जन्मदिन मनाएका छन् । शनिवार आफ्नो ६८औँ जन्मोत्सवको अवसर पारेर प्रधानमन्त्री ओलीले बालुवाटार परिसरमा स्थानीय नर्सरीबाट ल्याएको विरुवा रोपेर जन्मदिन मनाएका हुन् ।
यस्तै प्रधानमन्त्री पत्नी राधिका शाक्यले अम्बाको विरुवा रोपेकी थिइन् । जन्मदिनको अवसरमा प्रधानमन्त्री ओलीले केक काटेर पत्नी राधिका र बुबा मोहनप्रसाद ओलीलाई खुवाएका थिए ।
प्रधानमन्त्री ओली २००८ साल फागुन ११ गते तेह्रथुमको इवामा जन्मिएका हुन् ।