अराजकता नियन्त्रण गर : नेपाल

'प्रशासन संयन्त्रमा रहेको अराजकतालाई नियन्त्रण गरिएन भने राज्य कमजोर हुन्छ, अहिले डर भन्ने कुरा हराएको छ, गलत काम गरें भने मलाई सजाय हुन्छ भन्ने डर नै छैन,' उनले भने । नेता नेपालले प्रशासन संयन्त्रमा कम बोल्ने, अरूका कुरा धेरै सुन्ने बानी विकास हुन आवश्यक रहेको बताए । 'राज्यबाट विषयवस्तुको अध्ययन, अनुसन्धान, अनुगमन, मूल्यांकन र दण्ड सजायको व्यवस्था हुन आवश्यक छ,' उनले भने । नेपालले सार्वजनिक पदमा रहेका व्यक्तिहरूमा बिनामिहिनेत रातारात धनी हुने प्रवृत्ति हावी भएको बताए ।

कांग्रेस नेता रामशरण महतले जलस्रोत, कृषि र पर्यटनको माध्यमबाट समृद्धितर्फ जान सकिने बताए । त्यसका लागि शान्ति सुरक्षा, काम गर्ने वातावरण, प्रविधिको प्रयोग र उद्यमशीलता आवश्यक रहेको उनले जनाए ।