चौधरी सांसद रहने/नरहनेमा अन्योल

कान्तिपुर संवाददाता

काठमाडौँ — कैलाली जिल्ला अदालतले दोषी ठहर्‍याएका रेशम चौधरीको सांसद पद गुम्ने वा नगुम्नेमा संवैधानिक अन्योल देखिएको छ । उनी फैसलासँगै स्वतः निलम्बित छन् । संविधानको धारा ८७, ८९ को व्यवस्था अनुसार उनीको पद जान सक्छ । तर, धारा ८७ र ८९ अनुसार पद रिक्त भएको प्रश्न उठेमा सर्वोच्च अदालतको संवैधानिक इजलासले अन्तिम निर्णय गर्ने व्यवस्था  धारा ९० मा छ ।


धारा ८७ मा सदस्यको योग्यता सम्बन्धि प्रावधान छ। नैतिक पनत देखिने, फौजदारी कसुरमा सजाय नपाएको व्यक्ति सांसद हुनसक्ने व्यवस्था छ। यो व्यवस्था अनुसार अब जन्मकैदको सजाय पाएका चौधरी सांसद हुन अयोग्य हुन्छन्।

धारा ८९ मा स्थान रिक्तताको व्यवस्था छ। त्यो व्यवस्था अनुसार धारा ८७ बमोजिमको योग्यता नभएमा वा नरहेमा पद रक्त हुने व्यवस्था छ। यो व्यवस्था अनुसार उनको पद पनि रिक्त हुनसक्छ।

तर संविधानको धारा ९० मा भने उनको पदको विषयमा प्रश्न उठे संवैधानिक इजालासले टुंग्याउने प्रावधान छ। धारा ९० मा 'संघीय संसदको कुनै सदस्य धारा ८७ बमोजिम अयोग्य छ वा हुन गएको छ भन्ने प्रश्न उठेमा त्यसको अन्तिम निर्णय सर्वोच्च अदालतको संवैधानिक इजलासले गर्नेछ' भन्ने प्रावधान छ। यही प्रावधानका कारण चौधरीको पद निलम्बित मात्र हुन्छ। पद गुमेर रिक्त हुदैन। संबैधानिक इजलासले किनारा नलगाउदासम्म उक्त पदमा उपनिर्वाचन पनि हुँदैन।


प्रकाशित : फाल्गुन २२, २०७५ १५:४०
प्रतिक्रिया
पठाउनुहोस्
ADVERTISEMENT

यात्रुबाहक बस दुर्घटनामा २३ घाइते 

विप्लव महर्जन

सल्यान — काठमाडौंबाट रुकुम जाँदै गरेको सिस्ने यातायात समितिको बा ४ ख ५३६३ नम्बरको रात्रि बस सल्यान शारदा नगरपालिकाको चैबाङ्गज्युला भन्ने ठाउँमा बुधबार बिहान दुर्घटना हुँदा २३ जना घाइते भएका छन । घाइतेमध्ये एकको अवस्था गम्भीर रहेको प्रहरीले जनाएको छ ।

शारदा नगरपालिका १२ स्यानीखालका घाइते ५० वर्षीय राजकुमार बिकलाई जिल्ला अस्पताल सल्यानमा सामान्य उपचारपछि नेपालगन्ज लगिएको छ । अन्य घाइते २२ जनाको कान्तिपुर सामुदायिक अस्पताल श्रीनगरमा उपचार भइरहेको प्रहरीले जनाएको छ ।

दुर्घटनामा रुकुमकी रीतु परियार, काठमाडौं बस्दै आएका अग्र बिष्ट, रुकुमकोटकी जुनमाया परियार, बालिका आचल परियार, अमर परियारलगायत घाइते छन् ।

खाल्डाखुल्डी सडकका कारण गाडी अनियन्त्रित भइ दुर्घटनामा परेको जिल्ला प्रहरी कार्यालय सल्यानको अनुमान छ । गाडीमा २९ जना रहेको प्रहरी नायव उपरीक्षक वीरेन्द्रबहादुर शाहीले बताए । चालक महेन्द्रबहादुर बुढाथोकीलाई नियन्त्रणमा लिएको र घाइते भएकाले उपचार गराउँदै आएको उनले जानकारी गराए ।

उनका अनुसार गाडी सडकदेखी १३ मिटर तल खेतमा खसेको छ ।

प्रकाशित : फाल्गुन २२, २०७५ १५:३८
पूरा पढ्नुहोस्
प्रतिक्रिया
पठाउनुहोस्
ADVERTISEMENT
ADVERTISEMENT
ADVERTISEMENT