इथियोपियन एयरलाइन्स दुर्घटना : ‘मृतकमध्ये एक गोर्खाकी एकता अधिकारी रहको पुष्टी’

देवेन्द्र भट्टराई

काठमाडौँ — इथियोपियन एयरलाइन्सको विमान दुर्घटनामा परेर आइतबार अपरान्ह ज्यान गुमाउने १५७  जनामध्ये एकजना नेपाली युवती परेकी छिन् । दुर्घटनामा गोर्खा मुल घर भएकी एकता अधिकारीको निधन भएको छ ।

इथियोपियाको राजधानी अदिस अबावाबाट केन्याको राजधानी नैरोवीतर्फ उडेको विमान धावनमार्ग छाडेको केही बेरमै दुर्घटनाग्रस्त भएको थियो ।

Citizen

इथियोपियास्थित राष्ट्रसंघीय विश्व खाद्य कार्यक्रममा कार्यरत अधिकारी सोही विमानमा आफ्ना ४ सहकर्मीका साथ केन्याकोतर्फ औपचारिक काममा जाँदै थिइन् ।

विमान इटी ३०२ मा सवार सबै १५७ यात्रुको निधन भएको थियो । मृतकहरु बिभिन्न ३५ राष्ट्रका नागरिक रहेकोमा सबैभन्दा बढी केन्या र क्यानडाका छन् । मृतक एकताका बारेमा काठमाडौंस्थित सम्बद्ध परिवारलाई विश्व खाद्य कार्यक्रम मुख्यालयले जानकारी गराइसकेको मृतक परिवारसँग नजिकको सम्बन्ध भएका सुवास अधिकारीले कान्तिपुरलाई बताए ।

एकता दई वर्ष अघिसम्म नेपालकै विश्व खाद्य कार्यक्रमसम्बद्ध रहेर काठमाडौंमा कार्यरत थिइन् । विशेषतः नेपालमा आएको २०७२ को भूकम्पपछिको विपत्को स्थितीमा एकता विश्व खाद्यको ‘आपतकालिन राहत कार्यक्रम’मा संलग्न थिइन् ।

प्रकाशित : फाल्गुन २६, २०७५ २३:५१
ADVERTISEMENT
प्रतिक्रिया
पठाउनुहोस्
ADVERTISEMENT

खादा प्रयोगमा आँच नपुर्‍याउन माग

कान्तिपुर संवाददाता

काठमाडौँ — बौद्धमार्गी समुदायले खादा प्रयोग बन्देज लगाउने सरकारको निर्णय फिर्ता भइसकेको स्थितिमा जनप्रतिनिधिले यसको गलत प्रचार नगर्न माग गरेका छन् ।

'बौद्ध परम्पराअनुसार प्राचीन कालदेखि जन्म, विवाह, मृत्यु लगायत सम्पूर्ण धार्मिक, सांस्कृतिक र सामाजिक गतिविधि तथा कार्यक्रममा प्रयोग गरिने पवित्र पुष्प (वस्त्र) खादा हो,' आइतबार राजधानीमा आयोजित पत्रकार सम्मेलनमा जारी विज्ञप्तिमा भनिएको छ, 'उक्त खादाबारे धर्मनिरपेक्ष नेपालको पूर्वमन्त्री तथा वर्तमान व्यवस्थापिका संसदका माननीय खगराज अधिकारीले छिमेकी राष्ट्रसँगको सम्बन्धमा आँच ल्याउने प्रतिकको रुपमा खादा प्रयोग भएकोले बहिस्कार तथा प्रतिबन्ध लगाउनु पर्ने सार्वजनिक अभिव्यक्ति प्रति गम्भीर ध्यानाकर्षण भएको छ ।'

नेपाल बौद्ध महासंघ, नेपाल शेर्पा संघ, नेपाल तामाङ घेदुङ, तमु ह्युल छोंजधि गुरुङ राष्ट्रिय परिषद, नेपाल आदिवासी जनजाति महासंघ, नेपाल आदिवासी जनजाति महिला महासंघ, हिमालयन शेर्पा सांस्कृतिक केन्द्र र शेर्पा महिला संघले संयुक्त विज्ञप्ति जारी गर्दै ध्यानाकर्षण गराएका हुन् ।

जिम्मेवार जनप्रतिनिधिले खादाबारे अनावश्यक विवाद खडा गरेर खादा प्रयोग गर्ने समुदायको संस्कृति, परम्पराप्रति आँच नपुर्‍याउनसमेत आग्रह गरेका छन् । 'बहुभाषिक, बहुधार्मिक र बहुसांस्कृतिक देशको जिम्मेवार जनजप्रतिनिधि माननीय अधिकारीलाई व्यवस्थापिका संसद पदबाट तत्काल निलम्बन गरी सामाजिक विद्वेष फैलाएको सम्बन्धमा र त्यसले पुर्‍याएको असरबारे अविलम्ब छानविन तथा कारबाहीको मागसहित यो प्रेस विज्ञप्ति जारी गर्दछौं,' भनिएको छ ।

प्रकाशित : फाल्गुन २६, २०७५ २१:३१
पूरा पढ्नुहोस्
ADVERTISEMENT
ADVERTISEMENT
प्रतिक्रिया
पठाउनुहोस्
ADVERTISEMENT