राजपाको विरोधपछि स्थगित बैठक सभामुखको रुलिङ पछि सुचारु
काठमाडौँ — राजपाका सासंदहरुको विरोधका कारण १० मिनेटका लागि स्थगित भएको संघीय संसदको बुधबारको बैठक पुनः सुचारु भएको छ । सभामुखले सरकारलाई लाल आयोगको प्रतिवेदन यथाशिध्र सार्वजनिक गर्न रुलिङ गरेसँगै राजपाका सांसदहरु आफ्नो स्थानमा बसेका थिए ।
यसअघि बैठक सुरु भएसँगै राजपाका सांसदहरुले आफ्नो स्थानमा उठेर विरोध गरेसँगै सभामुख कृष्णबहादुर महराले १० मिनेटका लागि संसद स्थगित गरेका हुन् ।
सर्वोच्च अदालतका पूर्व न्यायाधीश गिरिशचन्द्र लालको संयोजकत्वमा मधेस, थरुहट आन्दोलनको सत्य तथ्य छानबिन गर्न गठित आयोगको प्रतिवेदन सार्वजनिक नगरेसम्म संसद चल्न नदिने राजपाको अडान थियो ।
आजको बैठकमा वनमन्त्री र अर्थमन्त्रीसँग सांसदहरुले प्रश्नोत्तर गर्ने कार्यक्रम रहेको छ ।
प्रकाशित : फाल्गुन २९, २०७५ १२:४२