कावासोतिस्थित जिल्ला प्रहरी कार्यालय नजिकै विस्फोट

नारायण शर्मा

नवलपरासी — नवलपुरको सदरमुकाम कावासोतीमा बिहीबार बिहान बम विस्फोट भएको छ । पूर्व–पश्चिम राजमार्ग अन्तरगत डिभिजन बन कार्यालय कावासोतीको ठिक अगाडि बिहान ११:३० बजे बम विस्फोट भएको जिल्ला प्रहरी कार्यालय नवलपुरले जानकारी दिएको छ । 

विस्फोट निकै ठुलो आवाजमा भएको थियो । विस्फोट पछि नवलपुर प्रहरीले जिल्ला सदरमुकाममा उच्च सुरक्षा सतर्कता अपनाएको छ । विस्फोटपछि बारुदको गन्ध आएकाले बारुद बम हुन सक्ने अनुमान गरिएको प्रहरी उपरीक्षक रमेश थापाले बताए । विस्फोटबाट मानवीय तथा भौतिक क्षति भने भएको छैन विस्फोट भएको स्थानदेखि जिल्ला प्रहरी कार्यालय नवलपुर करिब सय मिटरको दुरीमा पर्छ ।

Citizen

उता गैँडाकोटको जयश्री पुलमा भेटिएको शङ्कास्पद बस्तु बम नभएको पुष्टि भएको छ । पुलमुनि शङ्कास्पद बस्तु देखिएपछि सेनाको बम डिस्पोजल टोलीले गरेको अनुसन्धान पछि सो बस्तु बम नभएको पुष्टि भएको हो । बाल्टीमा माटो र बालुवा मात्र भेटिएको प्रहरीले जनाएको छ ।

प्रकाशित : फाल्गुन ३०, २०७५ १४:१०
ADVERTISEMENT
प्रतिक्रिया
पठाउनुहोस्
ADVERTISEMENT

१५ दिनभित्र कर्मचारी समायाेजन सकिन्छ : मन्त्री पण्डित  

श्यामसुन्दर शशि

जनकपुर — सामान्य प्रशासन मन्त्री लालबाबु पण्डितले स्वतन्त्र मधेसको माग गर्दै आएका सीके राउतसँग 'जनमत संग्रह' गर्ने सहमति भएको हल्ला सुनिए पनि 'जनमत संग्रह' बारे कुनै सम्झौता नभएको बताएका छन् । 

धनुषामा बिहीवार आयोजित पत्रकार सम्मेलनलाई सम्बोधन गर्दै सामान्य प्रशासन मन्त्री लालबाबु पण्डित । तस्बिर श्यामसुन्दर शशि/कान्तिपुर 

प्रेस चौतारी नेपाल धनुषाले बिहीबार आयोजना गरेको पत्रकार सम्मेलनमा उनले संविधान अनुसार राउतले राजनीतिको मूल प्रवाहमा आउन स्वीकार गरेको बताए । '११ बुँदे सम्झौतामा जनमत संग्रह गर्ने कुनै सहमति भएको होइन । जनमतमा जाने सहमति भएको हो । जनमत भनेको आवधिक निर्वाचन हो,' उनले भने, 'प्रजातान्त्रिक पद्धति अनुसार आवधिक निर्वाचन हुने हो । देश टुक्र्याउनका लागि जनमत संग्रह हुनै सक्दैन । '

मन्त्री पण्डितले सरकार र राउतबीच ११ बुँदे सम्झौतामा उल्लेख भए बाहेक केही कुरा नभएको दाबी गरे । राउतका समर्थकहरुले जनकपुरमा लगाएको विखण्डवादी नारा बारे उनले सरकार सम्झौता कार्यान्वयन गर्न तत्पर रहेको र राउतले पनि सम्झौता विपरीत काम गर्नु नपर्ने बताए ।

मन्त्री पण्डितले नेत्रविक्रम चन्द विप्लव नेतृत्वको समूहले संविधान विपरीत काम गरेकोले नियन्त्रण गर्न खोजिएको बताए । 'संविधान भित्र आउने सबैका लागि बाटो खुला छ । संविधान बाहिर गएर काम गर्ने जोसुकै माथि सरकार कारवाही गर्छ,' उनले भने ।

संघ मातहात रहेका ६० हजार कर्मचारीलाई तीनवटै तहमा समायोजन गरि सकिएको उल्लेख गर्दै उनले १५ दिनभित्र समायोजनको काम पूरा हुने दाबी गरे । ३२ हजार कर्मचारी अपुग रहेकोमा २० हजारलाई वहाली गर्न लोकसेवा आयोगलाई जिम्मा दिन लागिएको उनले बताए । मन्त्री पण्डितका अनुसार असार महिनासम्म कर्मचारी बहाली भई सम्बन्धित क्षेत्रमा खटाई सकिने छ ।

प्रकाशित : फाल्गुन ३०, २०७५ १२:५२
पूरा पढ्नुहोस्
प्रतिक्रिया
पठाउनुहोस्
ADVERTISEMENT