निर्मला हत्या प्रकरण : ६ प्रहरीलाई धरौटीमा छाड्न आदेश

भवानी भट्ट

कञ्चनपुर — निर्मला हत्या घटनामा यातना र सार्वजनिक न्यायविरुद्ध कसुरको मुद्दा लागेका प्रहरीलाई जिल्ला अदालत कञ्चनपुरले धरौटीमा छाड्न आदेश दिएको छ । न्यायाधीस डा. राजेन्द्र कुमार आचार्यको इजलासले अदालतमा उपस्थित भएका ६ जनालाई धरौटीमा छाड्ने आदेश दिएको हो । 

जिल्ला अदालतले यातना र प्रमाण नष्ट गरेको (सार्वजनिक न्याय विरुद्धको कसुर) आरोप लागेका निलम्बित डिएसपी ज्ञानबहादुर सेठी र प्रहरी निरीक्षक एकिन्द्र खड्कालाई यातना कसुरमा ५ लाख र सार्वजनिक न्याय विरुद्धको कसुरमा ४ लाख गरी जनही ९/९ लाख धरौटीमा छाड्न आदेश दिएको हो । सार्वजनिक न्याय विरुद्धको कसुर लागेका तत्कालीन प्रहरी निरीक्षक जगदीश भट्टलाई ४ लाख धरौटीमा छाड्न आदेश दिएको जिल्ला अदालत कञ्चनपुरका श्रेस्तेदार हरिकृष्ण अवस्थीले बताए ।

Citizen


यसैगरी सार्वजनिक न्याय विरुद्धको कसुरमा सईहरु हरिसिंह धामीलाई साढे ३ लाख र राम सिंह धामीलाई ३ लाख तथा प्रहरी हवल्दार चाँदनी साउदलाई २ लाख ५० हजार धरौटीमा छाड्न आदेश दिएको हो । उनीहरु तीनै जना निलम्बित हुन् । सोमबारदेखि तीन दिनसम्म चलेको थुनछेक बहसपछि अदालतको उक्त आदेश आएको हो ।

प्रकाशित : फाल्गुन ३०, २०७५ १६:४६
ADVERTISEMENT
प्रतिक्रिया
पठाउनुहोस्
ADVERTISEMENT

बीपी प्रतिष्ठानका उपकुलपति पदमुक्त

प्रदीप मेन्याङ्बो

सुनसरी — बीपी कोइराला स्वास्थ्य विज्ञान प्रतिष्ठानका उपकुलपति प्रा.डा. राजकुमार रौनियार पदमुक्त भएका छन् । प्रतिष्ठानको ४२ औं सिनेटले पदबाट बर्खास्ती सिफारिस गरेको दुइसातापछि सरकारले पदमुक्त गरेको हो । रौनियारलाई तत्कालीन एकीकृत माओवादी-कांग्रेस सरकारले दुई वर्षअघि उपकुपतिमा नियुक्त गरेको थियो ।

रौनियार कांग्रेस कोटाबाट उपकुलपति भएका थिए । उनी तत्कालीन स्वास्थ्यमन्त्री गगन थापाको सिफारिसमा उपकुलपति बनेका थिए ।

प्रतिष्ठानको कुलपति प्रधानमन्त्री रहने प्रावधान छ । फागुन १७ गते सहकुलपति उपेन्द्र यादवको अध्यक्षतामा बसेको सिनेटले प्रा डा रौनियारलाई बर्खास्त गर्न कुलपतिसमक्ष सिफारिस गरेको थियो । सहकुलपति तथा स्वास्थ्य मन्त्री यादवका स्वकीय सचिव महेश चौरासियाले प्रधानमन्त्री कार्यालयबाट प्रतिष्ठानका उपकुलपति रौनियारलाई पदमुक्त गर्न पठाएको सिफारिस सदर भएर आएको बताए । उनले भने, 'प्रतिष्ठानका उपकुलपति रौनियारलाई पदमुक्त गरिएको पत्र प्रधानमन्त्री कार्यालयले पठाएको छ । अब रौनियारलाई पदमुक्त गरेको जानकारी आज वा भोलिसम्ममा पत्रमार्फत दिइने छ ।'

पदमुक्त गरिएको भनिएका प्रतिष्ठानका उपकुलपति रौनियारले आफूलाई सिनेटमा पनि बस्न नदिई स्वास्थ्यमन्त्रीले एकलौटी ढङ्गबाट हटाउने सिफारिस गरेको आरोप लगाए ।

प्रकाशित : फाल्गुन ३०, २०७५ १६:४२
पूरा पढ्नुहोस्
ADVERTISEMENT
ADVERTISEMENT
प्रतिक्रिया
पठाउनुहोस्
ADVERTISEMENT