मलेसियाले आउट सोर्सिर्ङ भिसा रद्द गर्ने

हजारौं नेपाली प्रभावित हुनसक्ने
कान्तिपुर संवाददाता

क्वालालम्पुर — वैदेशिक रोजगारीको प्रमुख गन्तव्य मलेसियाले आउटसोर्सिङ भिसा (एक कम्पनीको नाममा भिसा लिई अर्कै वा तेश्रो कम्पनीमा काम गर्न पाउने सुविधासहितको अनुमति) रद्द गर्ने भएको छ । उसले अब यही मार्च महिनापछि उक्त भिसासम्बन्धी प्रावधान हटाउन लागेको हो । उक्त म्याद सकिन अब दुईसातामात्र बााकी छ । 

एक कम्पनीमा कामदार भर्ना गरि अर्को कम्पनीमा काम लगाउादा कामदार ठगिने र अप्ठ्यारोमा पर्ने गरेको ठम्याई अधिकारीहरुको छ । उक्त निर्णय लागू भएमा हजारौं नेपालीले जागिर गुमाउने र स्वदेश र्फकनुपर्ने अवस्था सृजना हुनेछ । नेपालीसहित अन्य विदेशी कामदार पनि प्रभावित हुनेछन् ।

Citizen


त्यस्ता कम्पनीले कामदार कार्यरत कम्पनीसाग बढी रकम लिएर कामदारलाई न्यून पारिश्रमिक तिर्ने गरेकाले कामदारको श्रम शोषण हुने गरेको, मानव बेचविखन लगायत समस्या बढेको भन्दै उक्त भिसासम्बन्धी व्यवस्था हटाउन लागेको जनाइएको छ ।
मलेसियाली अधिकारीहरुका अनुसार हाल करिब १ सयभन्दा बढी आउटसोर्सिङ कम्पनीहरु क्रियाशील छन् र ती कम्पनी अन्तर्गत करिब २६ हजार विदेशी कामदार कार्यरत रहेको बताइन्छ । तीमध्ये हजारौं नेपाली कामदार रहेको अनुमान छ ।

ती कम्पनीहरुले श्रमिक स्रोत मुलुकहरुबाट आफ्नो कम्पनी अन्तर्गत भिसामा कामदार आपूर्ति गरि ती कामदारहरुलाई तेश्रो पक्ष वा कम्पनीहरुमा काममा लगाउने गरेका छन् ।

आफूसाग भएका त्यस्ता कामदारको सुरक्षित व्यवस्थापन गर्न सरकारले आउटसोर्सिङ कम्पनीहरुलाई करिब ५ महिनाको अवधि दिएको थियो । यस्तो भिसाको म्याद यही मार्च ३१ सम्ममात्र रहनेछ । सरकारले त्यस्ता कामदारलाई उक्त मितिभित्रै स्वदेश र्फकन वा आफूले काम गर्ने कम्पनीको सम्पर्कमा भिसा परिवर्तन गर्न-गराउन अनुरोध पनि गरेको छ । उक्त मितिभित्र भिसा परिवर्तन नगरेमा र स्वदेश नफर्केमा अपि्रल १ देखि नै अध्यागमन विभागले भिसा रद्द गरिदिने र उनीहरुमाथि कानुनी कारवाही हुनसक्ने बताइएको छ ।

ती कामदार स्वदेश र्फकंदा अध्यागमन विभागमा चेक आउट मेमो (स्वदेश फिर्ती हुनुअघि लिनुपर्ने अनुमतिपत्र) लिनुपर्ने कानुनी प्रावधान छ । उक्त अनुमति नलिई र्फकने कामदार पुनः मलेसिया जान पाउने छैनन् ।

मलेसियाले छिट्टै श्रम कानुन परिवर्तन गर्दैछ । स्रोतका अनुसार उक्त कानुनमा रहेको यससम्बन्धी व्यवस्था हटाउने निर्णय भइसकेको छ भने रोजगार सम्बन्धी निजी एजेन्सी ऐनबाट पनि हटाउन लागिएको छ । एक पक्षले अर्को पक्षलाई कामदार दिँदा विचौलिया हाबी हुने र कामदारको श्रम शोषण हुने गरेकाले सरोकारवालाहरुले यस्तो पद्धति हटाउन सरकारलाई आग्रह गर्दै आएका थिए ।

त्यस्तै सरकारले विदेशी कामदारको भर्ना र व्यवस्थापन सम्बन्धी कार्य अधिकार गृह मन्त्रालयसँग रहेकोमा अबदेखि उक्त कार्यअधिकार मानव संशाधन मन्त्रालयलाई दिइएको छ । गतवर्ष अक्टोबर २४ मा संसदमा विदेशी कामदारको व्यवस्थापन विशेष समितिको बैठकमा गृहमन्त्री मुहिद्दिन यासिनले विचौलिया निषेध गरिने बताएका थिए ।

कम्पनीले सीधै कामदारलाई तलब नदिई आउटसोर्सिङ कम्पनीलाई दिने र कम्पनीले कामदारलाई तलब कटौती गरि दिने हुँदा श्रमशोषण हुने गरेको छ । कामदार ठगिनुमा कमजोर ठानिएका प्रक्रियाहरुमध्ये आउट सोर्सिङ प्रणाली पनि एक हो । अब सरकारले यो प्रक्रिया बन्द गरेपछि विचौलियाबाट कामदारमाथि हुने ठगी नियन्त्रण हुने विश्वास अधिकारीहरुको छ ।

बहुसंख्यक कम्पनीहरुले आउटसोर्सिङ कम्पनीहरुमार्फत कामदार लिने गरेका छन् । मलेसियामा विदेशी कामदार भर्नामा सहजीकरण गर्ने करिब २७० रिक्रुटिंग एजेन्सीहरु सक्रिय छन् । सेवा, कृषि, निर्माण तथा उत्पादन लगायत क्षेत्रमा बढिजसो यस्तो भिसामा कामदार कार्यरत छन् ।

प्रकाशित : चैत्र १, २०७५ १९:०७
प्रतिक्रिया
पठाउनुहोस्
ADVERTISEMENT
ADVERTISEMENT

वरिष्ठ प्राध्यापक बाडुलाई मानार्थ विद्यावारिधि

कान्तिपुर संवाददाता

काभ्रे — काठमाडौं विश्वविद्यालय (केयू) ले स्विस फेडेरल इन्ष्टिच्युट अफ टेक्नोलोजीका वरिष्ठ प्राध्यापक जँ क्लड बाडुलाई मानार्थ विधावारिधि प्रदान गरेको छ । शुक्रबार धुलिखेलस्थित विश्वविद्यालयमा भएको विशेष दीक्षान्त समारोहमा कुलपति समेत रहेका प्रधानमन्त्री केपी शर्मा ओलीले प्रदान गरेका हुन् । 

कार्यक्रमलाई सम्बोधन गर्दै प्रधानमन्त्री ओलीले मुलुकको तीब्रतर विकासका लागि सरकार प्रयत्नशील रहेको बताए । स्विजरल्यान्ड र नेपाल धेरै अर्थमा समान भएको भन्दै उनले नेपाल पछाडि पर्नुको कारण खोजिनुपर्ने बताए । उनले विज्ञान र प्रबिधिको क्षेत्रमा विकास नभएको भए आफ्नो १२ औ‌ं पुन्यतिथि हुने तर्क गर्दा हलमा हासो छुटेको थियाे ।

केयूले मानार्थ विधावारिधि प्रदान गरेको यो चौथो पटक हो । सन् २०११ मा पहिलो पटक संस्कृतविद् तथा लेखक सत्यमोहन जोशीलाई सम्मानार्थ विद्यावारिधि प्रदान गरेको थियो । सन् २०११ मै भारतका विद्धान तथा राजनीतिज्ञ डा. करण सिंहलाई र भारतका पूर्वराष्ट्रपति प्रणव मुखर्जीलाई प्रदान गरिएको थियो ।

बाडु प्रसिद्ध सिभिल इञ्जिनियर हुन् । बाडुले सन् २००३ देखि नेपाल र काठमाडौ विश्वविद्यालयलाई यान्त्रिक, भौतिक, आर्थिक तथा मानव स‌ंशाधन क्षेत्रमा सहयोग पुर्‍याउँदै आएको केयूका सूचना संयोजक हेमराज काफ्लेले जानकारी दिए । बायोटेक्नोलोजी, जियोम्याटिक्स इन्जिनियरिङ, सिभिल इन्जिनियरिङ जस्ता कार्यक्रममा विशेष योगदान पुर्‍याएको विश्वविद्यालयले जनाएको छ ।

सन् १९९२ देखि २००० सम्म स्विस फेडेरल इन्ष्टिच्युट अफ टेक्नोलोजीको अध्यक्ष रहँदा बाडुले प्राज्ञिक र औद्योगिक क्षेत्रबीच उच्च सहकार्यको परम्परा आरम्भ गरेका थिए । एकैपटक १ सय ३९ जना औद्याेगिक क्षेत्रका विशेषज्ञहरुलाई प्राध्यापन पेशामा स‌ंलग्न गराएका थिए ।

प्रकाशित : चैत्र १, २०७५ १६:२४
पूरा पढ्नुहोस्
प्रतिक्रिया
पठाउनुहोस्
ADVERTISEMENT