विपिको उपकुलपति हटाउने निर्णय कार्यान्वयन नगर्न सर्वाेच्चकाे आदेश

अदालतले सरकारलाई उपकुलतिबाट डा. रौनियारालाई हटाउनुको लिखित कारणसहित छलफलमा आउन समेत आदेश जारी गरेको छ । सर्वोच्च अदालतले अर्को निर्णय नभएसम्म यथास्थितिमा राख्न आदेश दिएको डा. रौनियारले बताए ।

उनले आइतबार सर्वोच्च अदालतमा रिट दायर गरेका थिए । दुइ वर्षअघि तत्कालिन स्वास्थ्य मन्त्री गगन थापाको सिफारिसमा प्रधानमन्त्री पुष्पकमल दाहालले रौनियारलाई उपकुलपतिमा नियुक्त गरेका थिए ।

स्वास्थ्य मन्त्री यादवको अध्यक्षतामा गत फागुन १६ र १७ गते बसेको 'सिनेट' बैठकले रौनियारलाई पदमुक्त गर्ने सिफारिस कुलपति समक्ष गरेपनि सरकारले फागुन २६ गते हटाउने निर्णय गरेको थियो ।

सरकारले पदमुक्त गरेपछि आफुलाई एकपक्षिय रुपमा पदबाट हटाएर अन्याय गरेको भन्दैं डा. रौनियारले सर्वोच्चमा रिट दायर गरेका थिए ।

मन्त्री यादवले प्रतिष्ठानमा उपकुलपति रौनियारलाई कारवाही गरेको जनाउँदै नयाँ उपकुलपति आउने तयारी भइरहेको बताएका थिए । सर्वोच्चको स्टे अर्डरले राहत पाएको महसुस गरिरहेका डा. रौनियारले भने, 'म सत्यको लडाइ लडिरहेको छु । मलाई फसाउन गिरोह नै लागेका छन् । अदालतले मलाई न्याय दिन्छ भन्नेमा पूर्ण विस्वस्त छु ।'